“Bakı”nın və millimizin oyununu idarə etmiş hakim “Slovan” - “Qarabağ” matçında

Avroliqanın qrup mərhələsinin beşinci turu çərçivəsində keçiriləcək “Slovan” - “Qarabağ” oyunun hakimləri müəyyənləşib.

Futbolxeber.az saytının məlumatına görə, matçı isveçli hakimlər briqadası idarə edəcək.

Görüşün baş hakimi Stefan Yohannessonundur. Ona Fredrik Nilsson, Mehmet Culum kömək edəcəklər. Qarşılaşmanın dördüncü hakimi funksiyasını Mqnus Sioblom yerinə yetirəcək. Əlavə qapı arxası hakimlər isə Andreas Ekberq və Kristoffer Karlssondur.

Noyabrın 24-də keçiriləcək “Slovan” - “Qarabağ” oyunu Bakı vaxtı ilə 22:00-da start götürəcək.

Yohannesson buna qədər 1 dəfə klubumuzun, 1 dəfə isə millimizin oyununda baş hakim olub.

İsveçli referinin 2009-cu ildə idarə etdiyi maçtda “Bakı” Çempionlar Liqasının III təsnifat mərhələsinin cavab görüşündə səfərdə “Levski”yə 0:2 hesabı ilə uduzub.

Millimiz isə onun ədaləti qoruduğu görüşdə səfərdə İsraillə heç-heçə oynayıb - 1:1. Bu qarşılaşma DÇ-2014-ün seçmə mərhələsinə təsadüf edib.