2 Iyun 2020, Çərşənbə axşamı
Nə oldu, “Neftçi” dağıldı?
"Sabah"dan alqışlanası addım
I divizionun taleyi necə olacaq?
Krivotsyuk daha 1 il “Neftçi”də

Ölkə futbolu

“Hələ ki o, Qurban Qurbanova yox, bizə lazımdır”

“Zaqatala”nın Müşahidə Şurasının sədri Musa Qurbanov I divizionun 12-ci turunda “Ağsu”nu 3:1 hesabı ilə məğlub etdikləri oyundan sonra jurnalistlərin suallarını cavablandırıb:

- Komandanız ardıcıl 8-ci qələbəsini qazandı. Görüşlə bağlı fikirlərini bölüşərdiniz.

- Futbolçularımıza təşəkkür edirəm. Bu gün yaxşı oyun nümayiş etdirdilər. Rəqib komanda da əla təsir bağışladı. “Ağsu” ən çox xoşuma gələn komandalrdan biridir. Təşkilatlanmış, güclü komandaya qarşı oynadıq. Bununla belə, layiqlə qələbə qazandığımızı düşünürəm.

- Ardıcıl qələbələr “Zaqatala”nı Premyer Liqaya yaxınlaşdırır. Yüksək liqada oynayacağınıza inam nə qədərdir?

- Məqsədimiz Premyer Liqada oynamaqdır. Həm lisenziya şərtlərini yerinə yetirib, həm də layiqli yerlərdən birini tutmaqla yüksək liqada çıxış etməyi hədəfləyirik.

- Demək olar ki, “Zaqatala” artıq “Simurq”un yoxluğunu unutdurub?

- Deməzdim tam unutdurub. Amma bunun üçün çalışırıq. Son oyunlardakı uğurlu nəticələr azarkeşləri stadiona cəlb edir.

- Yayda komandanızın düşərgəsində faciə yaşandı. Məşqdə afrikalı futbolçu həyatını itirdi. “Zaqatala” həmin bədbəxt hadisədən sonra legionerlərdən imtina edib?

- Bilirsiniz ki, bizi AFFA maliyyələşdirir. AFFA-dan tövsiyyə olunub ki, heyətdə legioner olmasın, yeri futbolçuların xidmətindən istifadə edək. Amma həmin futbolçu sağ qalsaydı, bu gün meydanda olardı.

- Komandanızın üzvü, I divizionun bombardiri Oruc Balaşlı Premyer Liqada oynayacaq gücdədir?

- Gələn mövsüm Oruc Premyer Liqada oynamaq iqtidarında olacaq. Üzərində işləyir, oyundan oyuna artırır.

- Onu qardaşınız, “Qarabağ”ın baş məşqçisi Qurban Qurbanova tövsiyyə edəcəksiz?

- Yox, hələ ki o, bizə lazımdır.

- Amma Qurban bəy onun oyununu diqqətdə saxlayır...

- Qurban Qurbanov hər bir azərbaycanlı futbolçuya diqqət ayırır. Tək Oruca yox, bütün oyunçulara diqqət yetirir.

- Tezliklə Zaqatala stadionunun süni ot örtüyünün təbii ilə dəyişdirilməsi mümkündür?

- Bu, çox pul tələb edən işdir. İmkan olarsa, gələcəkdə maddi vəziyyət düzələrsə, bu məsələni qaldıracağıq.

- Növbəti mövsüm üçün klubun maliyyə vəziyyətində dəyişiklik gözlənilir?

- Hələ ki növbəti mövsümlə bağlı heç bir məlumat verilməyib. Qarşımıza yüksək liqaya yüksəlmək və lisenziya şərtlərini yerinə yetirmək tapşırğı qoyulub.

- Qurban bəy “Qarabağ”da, siz isə “Zaqatala”da işinizin öhdəsindən layiqincə gəlirsiz. Deyə bilərik ki, Qurbanovlar harda, uğur ordadır?

- Bu suala necə cavab verməyi fiirləşmək lazımdır (gülür). Sevdiyimiz işlə məşğul oluruq və çalışırıq ki uğur qazanaq.

- Komandanızın üzvü Emin Mehtiyev ayın ən yaxşı qolunun müəllifi oldu. Seçim imkanı sizdə olsaydı, hansı qola üstünlük verərdiz?

- Elə mən də Emin Mehtiyev seçərdim. Çünki o, fərdi şəkildə çox güclü qol vurmuşdu. İlk gündən düşünürdüm ki, bu qol ən yaxşı seçiləcək.

İBRAHİM, Zaqatala




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2020
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30