Ölkə futbolu
Bombardir iş başında... TƏHLİL
I divizionda XII turun ən çox maraq doğuran oyunlarından biri Zaqatalada keçirildi. Futbolxeber.az saytının məlumatına görə, eyniadlı komanda öz meydanında “Ağsu”nu qəbul edirdi.
HƏR İKİ TƏRƏF ÜÇÜN VACİB OYUN
Qarşılaşma hər iki tərəf üçün vacib əhəmiyyət kəsb edirdi. 11 turdan sonra 25 xalı olan “Zaqatala” üçüncü, 21 xalla malik “Ağsu” isə beşinci yeri tuturdu. Dünən qələbə qazanan “Şəmkir” şəxsi oyunlarındakı nəticəyə görə “Zaqatala”nı ikinci pillədən sıxışdırmışdı. Bu səbəbdən də Şaban Şirdanovun komandası qələbə qazanmaqla həm yenidən ikinci pilləyə qalxacaqdı, həm də lider “Turan Tovuz”la aradakı xal fərqini 2-yə endirəcəkdi.
“Ağsu”ya da 3 xal hava-su kimi lazım idi. “Səbail” dünən “Şəmkir”ə uduzduğundan qalib gələcəyi halda, Rüfət Quliyevin komandası dördüncü piləyə yüksələcəkdi.
MEYDAN SAHİBLƏRİ ÜÇÜN CİDDİ İTKİ
“Zaqatala” vacib oyuna ciddi itki ilə çıxmışdı. Ötən tur “Səbail”lə matçda zədələnən Emin Mehtiyev bu matçda da forma geymirdi. Onun əvəzinə start heyətində Cavad Kazımov yer almışdı. “Zaqatala”nın 19 nömrəsi ötən oyunda da Mehtiyevin əvəzinə meydana daxil olmuş və mühüm oyunda komdasına qələbə gətirən qola imza atmışdı.
Komandalar meydana eyni taktika ilə çıxmışdılar. 4-lü müdafiəyə üstünlük verən tərəflər 1 hücumçuya güvənirdilər. “Zaqatala”nın qol ümidi təkcə komandanın deyil, həm də divizionun bombardiri olan Oruc Balaşlı idi. “Ağsu” isə ön xətdə Elnur Səmədova güvənirdi.
“ZAQATALA” ŞOKDAN TEZ AYILDI
İlk dəqiqələrdən topa yiyələnən “Zaqatala” olsa da, hesabı gözlənilmədən qonaqlar açdı. Müdafiə xəttinin ani diqqətsizliyindən sonra “Ağsu”nun hücumçusu Elnur Səmədov qapıçı ilə təbətək qaldı. Amil Ağacanov nə qədər çalışsa da, qola mane ola bilmədi.
Erkən qoldan şoka düşməyən “Zaqatala” dərhal daha böyük qüvvə ilə irəli atıldı. Çox keçmədən status-kvo bərpa olundu. “Ağsu”nun qapıçısı Şamo Həsənovun səhvindən sonra Oruc Balaşlı “Zaqatala”nın bərabərlik qoluna imza atdı.
Az sonra “Zaqatala” ikinci qolu vura bilərdi. Lakin Roini İsmayılovun künc zərbəsindən sonra başla endirdiyi zərbə qapıdan azca aralı keçdi. Daha çox əks-hücumlara bel bağlayan qonaqlar epizodların birində fərqlənməyə yaxın idi. Lakin “Zaqatala”nın qapıçısı Səmədovun dubl etməsinə mane oldu.
Dəqiqələr keçdikcə “Zaqatala” rəqibi qapısına doğru sıxışdırırdı. Meydan sahibləri daha çox cinah ötürmələrinə üstünlük verirdilər ki, belə epizodların birində Balaşlının baş zərbəsi üstdən keçdi. Lakin çox keçmədən Oruc istəyinə çatdı. Ara ötürməsindən sonra “Zaqatala”nın 25 nömrəsi özünün və komandasının ikinci qolunu vurdu. Bu, həm də birinci hissədə vurulan son qol idi.
“AY MÜSƏLMAN, QABAĞA OYNA”
Zaqatala şəhər stadionunda anlşaq yaşanmasa da, matça maraq az deyildi. Görüşü təxminən 700-800 azarkeş izləyirdi. Nisbətən yaşlı azarkeşlər daha çox qol epizodları zamanı fəallıq nümayiş etdirsələr də, azyaşlılar dayanmadan “Zaqatala”nı qələbəyə səsləyirdilər.
Fanatların ara-sıra futbolçulara atmacaları da maraqlı alınırdı. Matçın əvvəlində Oruc Balaşlı əlverişli şansdan yararlana bilmədi. Bu zaman təxminən 50 yaşlı azarkeş yanındakı dostunu “Zaqatala”lı bombardirin güclü futbolçu olmadığına inandırmağa çalışırdı. Balaşlının dublu həmin fanatı sükuta qərq etdi.
Hesabda önə keçdikdən sonra “Zaqatala”lı futbolçuların bəzi epizodlarda geri ötürmə vermələri yerli azarkeşləri qane etmirdi. Bu zaman fanatlardan biri uca səslə “Ay müsəlman, qabağa oyna” deməklə komandasını irəli səslədi.
YENƏ ERKƏN QOL
İkinci hissə də “Zaqatala”nın üstünlüyü ilə başladı. Azarkeşlər yenə də hissənin əvvəlində qol gördülər. Birinci hissədən fərqli olaraq, ikinci yarıda ilk qol qonaqlardan gəldi. Hesab arasındakı fərq 2 topa çatdığından çoxları artıq matçın taleyinin həll olunduğunu düşünürdü. Lakin meydan sahiblərinin azlıqda qalması “Ağsu”nu ümidləndirdi. Qapıçı ilə təkbətək qalan Arzuman Nəsibov onu da keçdikdən sonra yerə yıxıldı. Əksəriyyət hakimin penalti nöqtəsini göstərəcəyini zənn etsə də, Orxan Məmmədov simulyasiya qeydə aldı. Bu isə artıq hesabında 1 sarı vərəqəsi olan Nəsibovun meydandan uzaqlaşdırılması demək idi. Oturduğumuz yerdən hakimin qərarının haqlı olub-olmadığını demək çətindir. Ancaq hakim düzgün qərar qəbul edibsə, boş qapı önündə olan Nəsibovun özünü yerə atması anlaşılmazdır.
“Zaqatala” azlıqda qaldıqdan sonra oyunun ssenarisi dəyişdi. Artıq hücum edən tərəf qonaqlar, müdafiə olunan komanda isə meydan sahibləri idi. Qalan dəqiqələrdə hər iki qapı qarşısında real qol vəziyyətləri yaşansa da, hesab dəyişmədi.
8-Ə ÇATAN QƏLƏBƏ SERİYASI
Orxan Məmmədovun final fiti “Zaqatala”nın 3:1 hesablı qələbəsini rəsmiləşdirdi. Bu, Şaban Şirdanovun komandasının ardıcıl 8-ci qələbəsidir. “Zaqatala” sonuncu dəfə 4-cü turda öz meydanında “Şəmkir”ə uduzub - 1:2.
Xallarının sayını 28-ə çatdıran “Zaqatala” yenidən turnir cədvəlində ikinci pilləyə yüksəldi. Heyətində Premyer Liqa təcrübəsi olan futbolçuların yer aldığı “Zaqatala”nın inamlı oyunu göz oxşayır. Amil Ağacanov, Hacı Əhmədov, Vadim Abdullayev, Ruslan Tağızadə, Oruc Balaşlı uğurda böyük pay sahibidirlər. Üstəlik, komandada məşqçi işi də dərhal hiss olunur. Bir sözlə, Şaban Şirdanovun komandası hazırda I divizionun ən inamlı təsir bağışlayan kollektivlərindən biridir. Bir qədər güclənəcəyi halda, komanda Premyer Liqada ortabab komanda statusu daşıya bilər.
“ZAQATALA” “SİMURQ”DAN DAHA ÇOX SEVİLİR
Gəncə, Tovuz, Qusar və digər bölgələrdə olduğu kimi Zaqatalada da yerli əhalinin futbola marağı böyükdür. Müşahidəmizə əsasən, “Zaqatala”nın rayonun əvvəlki komandası “Simurq”dan daha çox sevildiyini söyləmək olar. Burada komandanın daşıdığı adın rolu danılmazdır. Digər tərəfdən də heyətdə zaqatalalı futbolçuların çoxluq təşkil etməsi azarkeşlərin ürəyincədir.
İBRAHİM, Zaqatala
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Zirə” və “Birbaşa Bakı”dan növbəti qələbə
- “Ağ-qaralar”ın “Black Friday”i
- Azərbaycan derbisinə sözardı
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- AFFA prezidentliyinə və İcraiyyə Komitəsinə namizədlər açıqlandı
- “Qarabağ FK - 30 mövsüm səfərdə” sənədli filminin təqdimatı olub
- ETOPAZ - uduşun təminatı!
- “Zirə”dən alqışlanası addım
- AFFA prezidentliyi ilə bağlı son durum - hər şey böhran vəziyyətinə doğru?
- Rövnəq Abdullayev Ağsu şəhər stadionuna baxış keçirib
- Şahin Diniyev: “Nəticə baxımından uduzduq, oyun baxımından deyil”
- Yaşar Seyidov: “Yeni dövlət proqramı futbolun inkişafına zəmin yaradacaq”
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- "Açığı, mən də düşünürdüm ki, Azərbaycan çempionatında "bir ayaqla" oynayacam"
-
17:56
Ağırlıqqaldıranlar üçün antidopinq seminarı keçirilib
-
17:45
Azərbaycan Premyer Liqasında 4 oyun üçün hakim təyinatları
-
17:24
Millimizin braziliyalı baş məşqçisi Avropa çempionatına vəsiqəni hədəfləyir
-
17:09
“Səbail” növbəti mövsümə aşağı diviziondan başlayacaq?
-
16:32
"Böyük İpək Yolu"nun qalibi: "Rəqiblərim güclü olsa da, yarış mənim üçün yaxşı keçdi"
-
16:11
“Qarabağ” qızıl medalları bu tur təmin etsə, çempionluq kubokuna nə vaxt qovuşacaq?
-
15:53
Azərbaycan boksçusu "Böyük İpək Yolu" turnirində qızıl medal qazanıb
-
15:07
Azərbaycan millisinin baş məşqçisi: "Komandamızın səviyyəsini gördük"
-
14:28
"Neftçi"nin heyətində 2 itki
-
14:00
"Turan Tovuz" məşqlərini davam etdirir FOTOLENT
-
13:46
Azərbaycan millisinin Avropa çempionatında potensial rəqibləri məlum olub
-
13:34
Millimizin kapitanı: “Azərbaycan xalqı bizdən nəticə gözləyir”
-
13:15
Ağabala Ramazanov qayıtdı - FOTO
-
12:57
"Sumqayıt"da üzlər gülür FOTOLENT
-
12:39
Azərbaycan minifutbol çempionatı: 1/4 final cütləri müəyyənləşib
-
12:25
Azərbaycan gimnastları Fransada beynəlxalq turnirdə iştirak edəcəklər
-
12:12
Millimizin üzvü İndoneziya klubunda
-
11:58
Azərbaycan millisi "Qalatasaray"a qalib gəlib
-
11:03
Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
-
10:46
Minifutbol çempionatı: pley-offun bütün iştirakçıları müəyyənləşdi
-
10:24
"Zirə"nin hücumçusu Burkino Fasoya qarşı oynadı
-
10:11
Orxan Məmmədov millinin hazırlıq planı ilə tanış olub FOTOLENT
-
09:59
Azərbaycan Kubokunda sonuncu yarımfinalçı müəyyənləşib
-
09:47
"Neftçi" "Qəbələ" səfərinə hazırlaşır FOTOLENT
-
09:30
Azərbaycan cüdoçuları Almaniyada təlim-məşq toplanışlarına qatılıblar
-
18:07
“Neftçi”yə lazım olmayan hücumçu "Mölde"də
-
17:51
"Selcan Mahsudovanın uğuru bizi qürurlandırır"
-
17:25
Azərbaycan millisi beynəlxalq turniri 9 medalla başa vurub
-
16:48
Hakimlər üçün seminar keçirilib
-
16:36
Azərbaycan millisi İrəvana getməkdən imtina etdi
-
16:19
Bölgə komandası çempionatdan kənarlaşdırıldı
-
16:13
AFFA hakimin şərəf və ləyaqətini alçaldan məşqçini futboldan uzaqlaşdırdı
-
15:54
"Şəmkir"in futbolçusundan baxımlı qol VİDEO
-
15:22
Azərbaycan gimnastı: “Olimpiadaya lisenziya qazanmaq uşaqlıq arzum idi”
-
15:01
Azərbaycan avarçəkəni beynəlxalq turnirdə gümüş medal qazanıb
-
14:48
Azərbaycanın 5 ağırlıqqaldıranı Dünya Kubokunda çıxış edəcək
-
14:35
Azərbaycan Voleybol Federasiyası daha bir layihəyə başlayacaq
-
14:17
II Liqada 5 turun oyun cədvəli açıqlandı
-
13:56
PFL rəsmilərinin son durumu açıqlandı
-
12:20
IV Avropa Oyunları İstanbulda keçiriləcək
-
11:49
"Azərreyl"in üzvü: "Hədəfimiz pley-offda uğurumuzu davam etdirməkdir"
-
11:32
Lunyov: “2-5 mövsüm yaxşı səviyyədə oynaya bilərəm”
-
11:14
"Zirə"dən ardıcıl 15-ci qələbə
-
10:51
AFFA-nın yeni baş katibi o olacaq - ÖZƏL
-
10:28
Azərbaycanın 2 boksçusu "Böyük İpək Yolu"nda bürünc medal qazanıb
-
10:03
“Səbail”in hücumçusu: 1 qol, 2 qələbə
-
09:47
Benzia bu dəfə dubl etdi VİDEO
-
09:30
Gürcüstanın tarixi qələbəsi VİDEO
-
21:24
Millimiz Ukrayna ilə bacarmadı VİDEO
-
18:48
Samir Əliyev: "Mənim yerimdə kim olur-olsun, çətin məsələdir"