Musa Qurbanovdan qonaqpərvəlik nümunəsi

Peşəkar Futbol Liqası və Topazın dəstəyi ilə jurnalistlərin bölgələrə səfərləri davam edir.

Futbolxeber.az saytının məlumatına görə, növbəti səfər bu gün Zaqatalayadır. Təxminən 12-13 jurnalist PFL əməkdaşları ilə birgə I divizionun XII turu çərçivəsində keçirilən “Zaqatala” - “Ağsu” oyunu izləmək üçün səfərə çıxıb.

Zaqatala şəhər stadionunda qonaqları meydan sahiblərinin sadiq fanatı İnqilab Soltanov və klubun Müşahidə Şurasının sədri Musa Qurbanov qarşılayıb. Musa bəyin jurnalistlərlə bir-bir görüşməsi, onları salamlaması xoş mənzərə idi. Kimin üçünsə bu, adi görünə bilər. Məsələ ondadır ki bu günə qədər Zaqatala da daxil olmaq dəfələrlə bölgələrə səfərimiz olub. Lakin klub rəhbərinin jurnalistləri şəxsən qarşılaşması ilə ilk dəfə idi ki qarşılaşırdıq.