29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Ölkə futbolu

Dario Frederiko: “Bundan sonra daha güclü olacağam”

“Kəpəz”in aparıcı futbolçularından biri olan Dario Frederiko bir müddətdir ki, zədəlidir. Futbolxeber.az saytının məlumatına görə, Premyer Liqanın VIII turu çərçivəsində AZAL-a qarşı səfər oyununda sıradan çıxan futbolçu hazırda müalicə olunur. Müalicəsi ilə paralel olaraq həkimlərin razılıq qərar verəcəyi təqdirdə o, bu həftədən məşqlərə başlaya biləcək.

Bu arada isə brazliyalı zədəsi, müalicə prosesi, azarkeşlər və digər mövzularla bağlı kapazpfc.az saytının suallarını cavablandırıb. Frederiko əvvəlcə özünü necə hiss etməsindən danışıb: “İndi hər şey yaxşıdır, özümü normal hiss edirəm. Müalicə prosesi uğurla davam etdirilir. Ağrılar, çətinliklər artıq arxada qalıb. Təəssüfləndiyim məqam, komandama kömək edə bilməməyimdir. Amma tezliklə bərpa olunub, heyətə dönməyə çalışacağam”.

Xatırlayırsızsa, Frederiko ötən mövsüm də məhz AZAL-la oyunda zədələnmişdi. Həmin vaxt futbolçunun zədəsi olduqca ciddi olduğundan əməliyyata ehtyac duyulmuş, son nəticədə orta xətt oyunçusu çempionatı erkən başa vurmalı olmuşdu. Dario acı təsadüf haqda belə danışıb: “Oyunun son dəqiqəsi idi, top mənə düşəndə anidən sürət yığmağa başladım. Lakin sona kimi qaça bilmədim, ayağımda şiddətli ağrılar yarandı. Öncə daha ciddi zədələndiyimi fikirləşdim, tibb personalının ilkin baxışı zamanı 2-3 həftəlik bir şey olduğu deyildi. Səhəri müayinədən keçdim, həkimlər yanılmamışdı. Yenidən eyni komanda ilə matçda zədələnməyimi sadəcə, bəxtsizliklə bağlayardım. Bu, bir qismətdir və zədə futbolun bir hissəsidir. Əminəm ki, bundan sonra daha güclü olacağam”.

Dario gəncəli azarkeşlərin sevimli oyunçulardandır. Bu üzdən də futbolsevərlərin ona görə narahatlıq keçirməsi başa düşüləndir. Bununla bağlı futbolçunun fikirləri də maraqlıdır: “Fanatları sakit olmağa çağırıram, narahat olmasınlar. Tezliklə yenidən meydanlara dönüb, qollar və qələbələrlə onları sevindirməyə səy göstərəcəyəm”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31