Tira qaş düzəldən yerdə göz çıxardı: “Elə bildim "Qarabağ" azarkeşidi”

"Neftçi"nin futbolçusu Katalin Tira Topaz Premyer Liqanın 9-cu turunda "Qarabağ"la dünənki oyunun (0:2) sonlarına yaxın etdiyi hərəkətlə bağlı açıqlama verib.

Futbolxeber.az saytının məlumatına görə, rumın futbolçu özünün "Facebook" səhifəsində qarşılaşma zamanı vurduğu azarkeşdən üzr istəyib:

"Dünənki hadisəyə görə, çox təəssüflənirəm. Mən bu hərəkətə sadəcə, öz komanda yoldaşımı müdafiə etmək üçün yol verdim. Bilmirdim ki, o, bizim azarkeşimizdir. Elə bildim ki, "Qarabağ"ın azarkeşidir".

K.Tira sonda Azərbaycan dilində "üzr istəyirəm" ifadəsini işlədib.