Cavid Hüseynov “Sumqayıt”la oyunun “18-liy”ində

Az sonra “Qəbələ” Topaz Premyer Liqasının 9-cu turu çərçivəsində səfərdə “Sumqayıt”ın qonağı olacaq. Futbolxeber.az saytının Sumqayıta ezam olunmuş əməkdaşı xəbər verir ki, bir müddət əvvəl həbsdən çıxan Cavid Hüseynovun adı matçın “18-liy”indədi. Təcrübəli futbolçu oyuna ehtiyatdan başlayacaq.

Qeyd edək ki, matçdan öncə “Qəbələ” fanatları həmişəki kimi Cavidə dəstək olaraq, onun lehinə şüarlar səsləndiriblər.