25 May 2020, Bazar ertəsi
“Qarabağ” rekordçular arasında
Dmitri Nazarovdan növbəti qol
Seydiyev “Qəbələ”dən gedir
Fəriddən 2 məhsuldar ötürmə

Ölkə futbolu

“Kəpəz” rəhbərliyi azarkeşlərlə görüşdü

Gəncə şəhər stadionunda “Kəpəz” PFK-nın rəhbərliyi ilə azarkeşlər arasında görüş keçirilib. Futbolxeber.az saytının məlumatına görə, əsas komandanın baş məşqçisi Şahin Diniyevin də iştirak etdiyi toplantıya üç fan-klubun üzvləri qatılıb.

Futbolun azarkeşlər üçün olduğunu söyləyən klubun Müşahidə Şurasının üzvü Mikayıl Nərimanoğlu Gəncə azarkeşlərinin ötən mövsüm tamaşaçı sayında rekorda imza atdığını bildirib. O, bu çempionat üçün də azarkeş sayında yüksək göstərici gözlədiklərini vurğulayıb. Elmar Əliyevin klubda fanklublarla əlaqələndirici vəzifəsinə gətirilməsindən də danışan Mikayıl Nərimanğlu bu təyinatın klub-azarkeş münasibətlərinin nizamlanmasında rol oynayacağını əlavə edib.

Görüşdə çıxış edən Şahin Diniyev də azarkeş amilinə diqqət çəkib və fanatların komandanın gücünə güc verdiyini deyib. Təcrübəli məşqçi yetirmələrinin dolu tribunalar önündə oynamasının əlavə məsuliyyət yaratdığını və ötən mövsümkü nəticəni yaxşılaşdırmağa çalışacaqlarını söyləyib.

Azarkeşlərin çoxsaylı sualları ilə davam edən bir saatlıq görüş qızğın müzakirələrə yol açıb. Klub rəsmiləri onları maraqlandıran mövzular haqda fikirlərini bölüşüb, müəyyən məsələlərə aydınlıq gətiriblər (klub saytı).

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31