UEFA-nın yeni reytinq cədvəli: “Qarabağ” 125-ci, “Neftçi” 158-ci, “İnter” 222-ci, “Qəbələ” isə...

UEFA Avropa klublarının yeni reytinq cədvəlini açıqlayıb. Futbolxeber.az saytının məlumatına görə, 453 klubun yer aldığı siyahıda Azərbaycanın 7 təmsilçisi var.

Klublarımız arasında ən yaxşı göstərici “Qarabağ”a məxsusdur. Ağdam klubu siyahıda 125-cidi. Qurban Qurbanovun komandasının aktivində 13,850 reytinq balı var.

Digər klublarımıza gəldikdə, “Neftçi” 158-ci (9,600), “İnter” 222-ci (5,850), “Qəbələ” 236-cı (5,600), “Xəzər Lənkəran” 284-cü (4,350), “Kəpəz” 305-ci (3,850), “Bakı” isə 313-cü (3,600) yeri tutur.

UEFA reytinqinə “Real” başçılıq edir. Madrid klubunun hesabında 150.056 reytinq balı var. “Bavariya” (138.928) ikinci, “Barselona” (136.056) isə üçüncü yeri tutur. İlk “10-luq”da həmçinin “Atletiko” (121.056), “Yuventus” (114.699), PSJ (113.399), Dortmund “Borussiya”sı (109.928), “Çelsi” (104.249), “Benfika” (100.933) və “Sevilya” (100.056) yer alıb.

Qeyd edək ki, klubların əmsalları onların son 5 mövsümdəki çıxışlarına əsasən hesablanıb. Bunun 20 faizi daxili birincilikdəki çıxışın payına düşür.

Tam reytinq siyahısı ilə aşağıkı linkdə tanış ola bilərsiz.

http://ru.uefa.com/memberassociations/uefarankings/club