Ronaldinyo: "Bilirəm ki, Azərbaycanda braziliyalı futbolçuların sayı çoxdur"

"İlk növbədə hər kəsi salamlayıram. Əvvəllər də Azərbaycan haqda çox eşitmişdim. Bilirəm ki, ölkənizdə xeyli braziliyalı futbolçu çıxış edib. Təxminən ayyarım əvvəl "Qəbələ" klubu ilə akademiyanın fəaliyyəti ilə danışıqlara başladıq". Futbolxeber.az saytının məlumatına görə,  bu sözləri braziliyalı ulduz Ronaldinyo deyib.

Hazırda ölkəmizdə səfərdə olan Ronaldinyo "Qəbələ"nin təşəbbüsü ilə yaradılacaq akademiya barədə bunları söyləyib: "İstərdim ki, akademiyaya gələcək uşaqlar mənim adımı eşidib futbola daha icddi yanaşsınlar. Onların gələcəkdə ulduz futbolçuya çevrilmələri mənim uğurum olacaq. Həmçinin həmin uşaqların gələcəkdə böyük klublarda çıxış etmələrinə dəstəy olmağa çalışacağam".