Ronaldinyo danışmaq istəmədi: “Sabah gedirəm”

Hazırda Bakıda olan Ronaldinyo paytaxtımıza səfərinin səbəbi barədə danışmaq istəməyib.

Futbolxeber.az saytının əməkdaşı şəhərdəki restoranların birində Ronaldinyonu ilə görüşmək imkanı əldə etsə də, geniş müsahibə almaq mümkün olmayıb. Belə ki, braziliyalı ulduz səfərin səbəbini açıqlamaq istəməyib. Müsahibə vermək fikrində olmayan Ronaldinyo, yalnız sabah Azərbaycandan ayrılacağını söyləməklə kifayətlənib.

Qeyd edək ki, ulduz futbolçu ilə görüşənlər arasında daha əvvəl “Bakı”da işləmiş, hazırda “Neftçi”də tərcüməçi olan Vüqar Əliyev də olub.