29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Qriqorçuk: “Cavidin yoxluğunu çox hiss etmişdik” (MÜSAHİBƏ)

“Qəbələ”nin baş məşqçisi Roman Qriqorçukun müsahibəsi

- “Sent-Etyen”lə oyuna hazırsız?

- Oyuna adi qaydada hazırlaşırıq. Bəzi zədəli futbolçularımız var. Bu bir az işimizi çətinləşdirir. Həmin oyunçuların yerinə başqaları oynayacaq və bu o futbolçular üçün şans olacaq. Özlərini yaxşı tərəfdən göstərə bilərlər.

- Komandada zədələr olsa da, ab-havanın çox yaxşı olduğu görünür...

- Niyə zədəlilərə görə ab-hava korlanmalıdır? Hər meydana çıxan futbolçu üzərində işləməlidir. Onlar özlərini yaxşı göstərmək üçün məşqlərdə artırmalıdırlar. Hamı işinə peşəkar yanaşmalıdır. Bu vacib məsələdir.

- “Sent-Etyen”i necə udmaq olar?

- Rəqibin oyunlarına baxmışam. Bu gün və sabah onları futbolçularımla tanış edəcəm. Zəif və çatışmayan cəhətlərini oyunçularıma deyəcəm ki, hazır olsunlar. Amma biz futbol baxışlarımızdan kənara çıxmayacağıq. Siz görməyəcəksiniz ki, biz öz cərimə meydançamızda dayanıb ordan kənara çıxmırıq. Öz futbolumuzu oynayacağıq. Baxmayaraq ki, bu yaxşı nəticə üçün bizə qarantiya vermir. Biz hücuma atılacağıq, əks-hücumlara bel bağlamayacağıq.

- Geriyə baxanda “kaş qrup mərhələsi başlayandan zədəli futbolçularımız olmazdı” deyirsiz?

- Təxmini nəsə düşünmək olmur. Biz bilmirik ki, onlar oynasaydı, nəticələr necə olacaqdı. Ümumi götürsək, həmin futbolçular olsaydı, fərqli olardı. Çünki onların əksəriyyəti mərkəz oyunçularıdır, dayaq yarımmüdafiəçiləridir. Hansı ki, bu futbolçular oyunumuzun qurulmasında böyük rola sahibdir. Əlbəttə ki, onların oynamaması narahatlıq yaradır. Ola bilər ki, “Sent-Etyen”ə qarşı fərqli versiya görə bilərsiz. Zədəlilərin olması bizi yeni variantlar fikirləşməyə məcbur edir. Müxtəlif cəbhələrdə oynayan komandaların heyəti tam komplektləşməlidir. Amma bizdə bu belə deyil.

- Bizə ilk “11-liy”i açıqlaya bilərsiz? Millimizin baş məşqçisi Robert Prosineçki bizi belə öyrəşdirib...

- Bu Prosineçkinin işidir. Mənim isə öz yanaşmam var. Oyun günü səhər heyəti müəyyənləşdirəcəm.

- Səfərə iki gün öncə yollanırsız. Amma həmişə bir gün qabaq gedirdiniz. Bunun hər hansı xüsusi səbəbi var?

- Yox, xüsusi bir səbəb yoxdur. Sadəcə Fransa burdan çox uzaqdır. Yorğunluq olmasın deyə iki gün öncə gedirik.

- Avropa Liqasının 3-cü təsnifat mərhələsində digər Fransa klubu “Lill”i devirdiyinizə görə fransızlar “Qəbələ”dən çəkinməlidir?

- Fransızların bizdən qorxması və çəkinməsi kimi sözlər xoş olardı. Düşünürəm ki, biz Azərbaycan və Fransa çempionatını müqayisə edə bilmərik. Həmçinin Almaniya və Belçika liqaları çox güclüdür. Onların səviyyəsinə çatmağımıza çox var.

- Cavid Hüseynovun qayıtması komandaya nə qədər müsbət təsir edib? Sabiq kapitanın geri dönməsi “Sent-Etyen”lə oyundakı motivasiyanıza kömək edəcək?

- Cavidin qayıtması çox sevindirici haldır. Onun bizimlə olması da əladır. Çünki Cavid Azərbaycanda ən yaxşı futbolçulardan biridir. Düşünürəm ki, o, əvvəlki formasını yığsa, “Qəbələ” çox güclü olacaq. Necə ki, biz Cavidi itirərkən onun yoxluğunu çox hiss etmişdik.

- Onun fiziki forması ümidli gələcək vəd edirmi?

- Bu barədə nəsə deyə bilmərəm. Çünki hazırda o heyətdə deyil. Məşqlərə qatılandan sonra onun fiziki forması haqqında danışmaq mümkündür. Emosional vəziyyətə gəlincə, onun anadangəlmə olan istedadı imkan yaradacaq ki, Cavid tezliklə heyətə qoşulsun.

Mənbə: qafqazinfo.az

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31