24 Iyun 2019, Bazar ertəsi
Balayev: "Vaxtımız az idi"
Romero rəsmən “Qarabağ”da
Boksçumuz erməniyə qalib gəldi
"Səbail"dən növbəti transfer

Ölkə futbolu

“Qarabağ” Yunanıstan klublarına bənzəmir”

“Çox yaxşı oyun keçirdik. İştirak etdiyimiz turnirlərdə iddialı olduğumuzu oyunumuzla bir daha göstərdik”. Futbolxeber.az saytının məlumatına görə, bunu “Qarabağ”ın Avropa Liqasındakı rəqiblərindən olan PAOK-un yarımmüdafiəçisu Dieqo Bisesvar deyib.

Oktyabrın 20-də Bakıda “Qarabağ”ın qonağı olacaq PAOK səfər öncəsi Yunanıstan çempionatında V tur matçına çıxıb. Öz meydanında “İraklis”i 1:0 hesabı ilə məğlub edən Saloniki təmsilçisi xallarının sayını 8-ə çatdırıb və turnir cədvəlində 4-cü pilləyə yüksəlib.

Qarşılaşma ilə bağlı yerli mətbuata fikirlərini bildirən Bisesvar oyunlarından razı qaldığını söyləyib. Hollandiyalı hücumameyilli yarımmüdafiəçi hücum xəttində daha diqqətli çıxış etməli olduqlarını da vurğulayıb: “Bu cür oyunla daha çox qol vurmalı idik. İstənilən qələbə çətin olur, amma biz daha çox qollarla bunu asanlaşdıra bilərik. İnanıram ki, bu formanı qorusaq, həm çempionatda, həm də Avropa Liqasında daha çox xallar toplayacağıq. Bunun üçün hər bir oyunçu kimi, mən də əlimdən gələni edirəm”.

28 yaşlı futbolçu Avropa Liqasının III turunda “Qarabağ”la keçiriləcək matçla bağlı da danışıb. Bisesvar bu mövsüm Yunanıstan Super Liqasında və Avropa Liqasında məğlubiyyət üzü görmədiklərini xatırladaraq, bu seriyanı davam etdirmək istədiklərini deyib: “Daha yaxşı olmaq üçün əlimizdən gələni edirik. Fikrimcə, PAOK-un potensialı indikindən də güclü oynamağa imkan verir. İndi uğurlu seriyanı Bakıda davam etdirməliyik. Düzdü, bu dəfə fərqli rəqibə qarşı çıxış edəcəyik. “Qarabağ” Yunanıstan çempionatındakı komandalara bənzəmir. Fərqli oyun üslubu olan və səviyyəli futbolçulardan qurulan komandadı. Bizim kimi, onlar da qrupdan çıxmağa iddialıdılar. Bu üzdən Azərbaycan təmsilçisi ilə qarşıdakı iki oyun həm bizim, həm də onların taleyinə aydınlıq gətirə bilər. Hazırkı məqamda səfərdə 1 xal bizə sərf edir. Ancaq Bakıya heç-heçə yox, qələbə dalınca gedəcəyik”.

Qeyd edək ki, “Qarabağ” - PAOK oyunu oktyabrın 20-də Tofiq Bəhramov adına Respublika stadionunda keçiriləcək. Bu komandalar arasında Yunanıstandakı görüş isə noyabrın 3-nə təsadüf edəcək.

Mənbə: apasport.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2019
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30





Click to Visit