Elxan Məmmədov: “Qarabağ” birinci hissədə bir neçə qol vurmalı idi”

“Təəssüflər olsun ki, “Qarabağ” qələbə qazana bilmədi. Komandamız birinci hissədə bir neçə qol vurmalı idi. Matçın əvvəlində olduğu kimi, ikinci hissədə də bəxtimiz gətirmədi. Yekunda 1 xal qazandıq”. Futbolxeber.az saytına müsahibəsində bu sözləri AFFA-nın baş katibi Elxan Məmmədov deyib.

E. Məmmədov “Qarabağ”ın Avroliqanın ilk turu çərçivəsində “Slovan”la bərabərə qalmasına (2:2) sevindiyini bildirib: “1 xal da 1 xaldı. Bu mərhələdə zəif rəqib olmur. Hər oyuna ciddi yanaşmaq lazımdır. Hesabda geri idik. Sonda məğlubiyyətdən qaçdıq. Ona görə də bu nəticəyə sevindim. “Qarabağ” son dəqiqələrdə qol vuracağını gözləyirdim. Komanda əlindən gələn edirdi”.