“Avroliqadan sonra ölkə çempionatına köklənmək motivasiya baxımından çətindir”

“Birinci hissədə meydanda futbol yox idi. Meydanda nəinki qaçmaq, ümumiyyətlə dayanmaq belə problem idi”. Futbolxeber.az saytının məlumatına görə, bu sözləri AZAL-la oyundan sonra “Kəpəz”in baş məşqçisi Şahin Diniyev deyib.

Təcrübəli mütəxəssis qolsuz tamamlanan qarşılaşmanı belə şərh edib: “Avroliqadan sonra ölkə çempionatına köklənmək motivasiya baxımından çətindir. Üstəlik, qol epizodlarından istifadə edə bilmirik. Futbolçularıma 40 dərəcəlik istidə göstərikləri əzmkarlığa görə minnətdarlığımı bildirirəm. Hesab edirəm ki, cəmi 45 dəqiqə futbol izlədik. Daha bir hissə oynasaydıq, yaxşı olardı. AZAL-ı da təbrik edirəm. Qarşılarına xal götürmək vəzifəsi qoyulmuşdu. Müdafiə olunmaqla bunun öhdəsindən gəldilər”.

Diniyev hakimlərin işinə qiymət vermək istəməyib: “Bu barədə danışmaq istəmirəm. Yaxşı futbol oynamamağımıza səbəb hava şəraitidir”.