“Zirə” bir gündə iki məşqə çıxdı

“Zirə” hazırlığını Türkiyədə davam etdirir. Futbolxeber.az saytının məlumatına görə, “Qartallar” dünən iki dəfə məşqə çıxıblar. Səhər futbolçular güc məşqini edbilər. Bura toplu və topsuz hərəkətlər daxil idi. Məşqin sonunda baş məşqçi Adil Şükürov komandanı top saxlamaq üzərində çalışdırıb.

Axşam məşqi səhərkindən fərqli idi. Bu dəfə “qartallar” taktiki-texniki hazırlığın yüksəldilməsinə çalışıblar. Komanda bu gün bir məşqlə kifayətlənəcək. Bu, Boludakı 2-ci yoxlama oyunu öncəsi son hazırlıq olacaq. “Zirə” iyulun 29-da Türkiyənin “Göztəpə” klubu ilə üz-üzə gələcək. Qarşılaşma Bakı vaxtı ilə saat 19-00-da başlayacaq (klub saytı).