“Kəpəz”in Avroliqada bir mərhələ keçməsi də uğurdu”

"Admira”ya qarşı diqqətli oynamağa çalışdıq. Lakin ani diqqətsizlik qapımıza qolla nəticələndi”. Futbolxeber.az saytına müsahibəsində bu sözləri “Kəpəz”in müdafiəçisi Şəhriyar Əliyev deyib.

Əliyev “Daçiya”nın ardınca “Admira”nı mübarizədən kənarlaşdırmağa çalışdıqlarını qeyd edib: “Mərhələ adlamağı çox istəyirdik. Təəssüf ki, alınmadı. Düzünə qalsa, "Kəpəz"in Avroliqada bir mərhələ keçməsi də uğurdu. Amma yenə də “Daçiya”nın ardınca "Admira"nı üstələməyi arzulayırdıq”,

“Kəpəz”in müdafiəçisi qeyd edib ki, “Admira”nı mübarizədən kənarlaşdırmaq mümkün idi: “”Əslində oyundan sonra danışmaq asandı. Ümumi götürdükdə, "Admira" nə zəif, nə də güclü rəqib idi. Əsas problem odur ki, qol epizodlarımız var idi, sadəcə onları dəyərləndirə bilmədik. Həm də ilk qoldan sonra bütün planlarımız pozuldu”.

Şəhriyar Əliyev ilk qoldan sonra Şahin Diniyevə ona tərəf qışqırması ilə bağlı sualı belə cavablandırıb: “Baş məşqçimizdir, o nə desə qəbuldur. Hər halda nəsə səhvim var ki deyib”.