Araz Abdullayev: “Şkendiya”nı bu heyətlə də keçə bilərik”

“Komandamızda hamı sabahkı oyunun mahiyyətini başa düşür. “Şkendiya” üzərində qələbə komandadakı özünəinamı daha da artıracaq. Çalışacağıq ki, komanda şəklinbdə oynayaq və qələbə qazanaq". Futbolxeber.az saytının məlumatına görə, bu sözləri “Neftçi”nin kapitanı Araz Abdullayev deyib.

Sabah “Neftçi” Avroliqanın II təsnifat mərhələsinin ilk oyunu çərçivəsində öz meydanında Makedoniyanın “Şkendiya” klubunu qəvbul edəcək. Oyunöncəsi mətbuat konfransına qatılan Araz Abdullayev rəqibi mübarizədən kənarlaşdıracaq gücdə olduqlarını vurğulayıb: “Balzan"la oyunun ilk hissəsində yaxşı oynadıq, amma ikinci hissədə oyunu əldən verdik. Sabahkı oyunda bu səhvləri təkrarlamamağa çalışacağıq. İkinci mərhələni adlamaq istəyirik. Düşünürəm ki, hazırkı heyətlə də “Şkendiya”nı keçə bilərik. Komanda bunu istəməlidir. Qələbə üçün meydana çıxanda can qoymaq lazımdır. Rəqibin oyununu izləmişik. Bu komandanı udmaq olmaz deyə bir şey yoxdur. Yaxşı hazırlıq sayəsində istənilən nəticəni qazanmaq olar. Oyunumuzu meydanda göstərə bilərik”.