28 May 2020, Cümə axşamı
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq
“Qarabağ” rekordçular arasında
Dmitri Nazarovdan növbəti qol

Ölkə futbolu

Vəli Qasımov: "Evdə qələbə üçün darıxmışıq"

Sabah “Neftçi” Avroliqanın II təsnifat mərhələsinin ilk oyunu çərçivəsində öz meydanında “Şkendiya”nı qəbul edəcək. Futbolxeber.az saytının məlumatına görə, “ağ-qaralar”ın çalışdırıcısı Vəli Qasımov bu gün “Bakcell Arena”da oyunöncəsi mətbuat konfransı keçirib. Qasımov sabahkı görüşlə bağlı bunları söyləyib: "Sabah bizi çətin oyun gözləyir. Rəqibin oyununu izləmişik. “Şkendiya” yaxşı rəqibdir, heyətlərində yaxşı oyunçuları var. Evdə qələbə üçün darıxmışıq".

Vəli Qasımov Makedoniya təmsilçisinin zəif olması ilə bağlı fikirləri qəbul etməyib: “Balzan” da zəif komanda idi, amma Bakıda bizə qalib gəldi. İndiki rəqibin müdafiədə demək olar ki, problemləri yoxdur. Rəqibin heyətində 6 əcnəbi və Makedoniya milli komandasının 5 oyunçusu var. İlk oyunda cütün taleyini həll etmək çox çətindir. Heç kim buna zəmanət vermir. Bizim problemimiz "Bakcell Arena"da qələbə qazanmamağımızdır. Məğlub olmaq heç kimin ürəyincə deyil. Malta klubu ilə oyuna təkrar baxmışıq. İlk hissədə elə də problemimiz olmayıb. Ancaq ikinci hissədə qoldan sonra ruhdan düşdük, inam itdi. Bundan sonra anlaşılmazlıq oldu. Ümumilikdə iki oyuna görə pis oynamadıq".

Qasımov komandanın transfer etməməsindən də danışıb: "Bəzi oyunçuları nəzərdə tutmuşuq və danışıqlar gedir. Yubanmanın səbəbi danışıqlardadı. Həm futbolçu, həm də klublarla söhbət aparırıq. Bəzi oyunçular vardı ki, dəvət etdik. Ancaq başqa komandalar da istədi və digər kluba getdilər. Nə qədər tez gəlsələr, o qədər yaxşı olar”.

“Neftçi”nin çalışdırıcısı sabahkı matç üçün heyəti müəyyənləşdirdiyini qeyd edib: “Start heyəti məlumdu. Ancaq açıqlaya bilməyəcəm. Elə də böyük dəyişiklik olmayacaq. Çünki heyətimiz o qədər geniş deyil. Elşən Abdullayev zədəlidir. Rəqibin oyun üslubunu bilirik. Oyuna hazırıq. Bu gün komanda "Şkendiya" qarşısına çıxmağa hazırdır. Komandanın çıxıb yaxşı nəticə göstərəcəyinə inanıram”.

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31