“Qarabağ” Lüksemburq çempionu ilə bu stadionda oynayacaq

“Qarabağ” Çempionlar Liqasının II təsnifat mərhələsində Lüksemburq çempionu “Düdelanj”la qarşılaşacaq. Futbolxeber.az saytının məlumatına görə, Azərbaycan çempionu ilk oyunu evdə, cavab matçını isə səfərdə keçirəcək. Qurban Qurbanovun komandasına cavab görüşünə “Düdelanj”ın ev stadionu olan “Stade Jos Nosbaum”da çıxacaq. Arenanın tamaşaçı tutumu 2950 nəfərdir. Stadionunun əsasən tribunası 592 oturacaqdan ibarətdir ki, onun da 150-si VİPdir. İkinci tribunada isə 965 oturacaq mövcuddur. Bundan başqa, arenada 1700 nəfərin ayaüstə qarşılaşmaya baxması mümkündür.