Dünən Avropa çempionatında oynayırdılar, bu gün məzun oldular

Dünən ölkəmizdə son zəng idi. 10 minlərlə gənc məzun oldu ki, onlar arasında U-17 yığmamızın üzvləri də var idi. Bir ay əvvəl Avropa çempionatında çıxış edən gənclər dünən məktəblə vidalaşdılar. Futbolxeber.az saytı dünən məzun olan U-17 yığmamızın bəzi üzvlərinin fikirlərini öyrənib:

İbrahim Qədirzadə: “Birinci sinifə gedəndə məni ağlaya-ağlaya aparırdılar. Çünki məktəbə getmek istəmirdim. Amma zaman keçdikcə öyrəşdim. Artıq məzun da olduq. Məzun olmaq gözəl hissdir. 11 ilin son günü - ilk əvvəl “canımız qurtardı” deyirdik. Amma sonar kövrəldik. Düşünəndə ki, son günümüz, son dərsimizdir, insan qəribə hisslər keçirir. Mətəbin bitməsini istəmirdik”.

Elçin Əsədov: “Məzun olmaq insanı bir tərəfdən sevindirir, bir tərəfdən də çox pis olursan. Sevinirəm ona görə ki, artıq məktəb bitdi. İlk tədrisi bitirdim. Artıq karyeramı daha yaxşı formalaşdırmalıyam. Digər tərəfdən də pis oluram ki, 11 ildir bir yerdə oxuduğum sinif yoldaşlarımla, ikinci ailəmlə, ikinci evimlə sağollaşdıq. İnaniram ki, bundan sonra hər şey daha yaxşı olacaq”.

"Layihə AFFA yanında Media Komitəsi tərəfindən maliyyələşdirilir"