"Doblasla müqaviləni artırsaq, bunu elə Bakıda edərik də..."

Braziliya mətbuatında "Xəzər Lənkəran"ın bu ölkənin vətəndaşı olan 33 yaşlı qapıçı Duqlas Leyte ilə maraqlandığı, eləcə də İspaniya KİV-ində Toni Doblasın komanda ilə yeni müqavilə imzaladığı haqda xəbərlər yayılsa da, bu, həqiqəti əks etdirmir. Futbolxeber.az saytına verdiyi açıqlamada Lənkəran klubunun mətbuat xidmətinin rəhbəri Hüseyn Cəbrayıloğlu belə deyib.

Klub rəsmisi yayılan xəbərləri təsdiqləməyib: "İndi hər ölkənin mətbuatı bir xəbər yayır. Lakin rəsmi olaraq bu xəbəri təkzib edirəm. Belə bir şey yoxdu. İspaniya mətbuatı yazır ki, guya Doblasla Almaniyada yeni müqavilə imzalayacağıq. Doblasla müqaviləni artırsaq, bunu elə Bakıda edərik də, daha Almaniyada niyə müqavilə imzalayırıq?"

Doblasın "Xəzər Lənkəran"la 2013-cü ilin sonuna kimi müqaviləsi olduğunu bildirən H.Cəbrayıloğlu komandanın Almaniyada keçirəcəyi yoxlama oyunlarından da söz açıb: "Orada 2 oyun keçirəcəyik. Rəqiblərimizin adları, eləcə də oyunların dəqiq tarixləri qarşıdakı 1-2 gündə müəyyənləşəcək".