19 Aprel 2024, Cümə
"Sumqayıt” II pilləyə yüksəldi
"Qəbələ" Abu Akalla vidalaşdı
XXXI turun hakim təyinatları
Adi Mehremiçə 4 oyunluq cəza

Ölkə futbolu

“Kubokun finalı Bakıda olacaq”

Futbol üzrə Azərbaycan Kubokunun final matçı bölgədə keçirilməyəcək. Futbolxeber.az saytının məlumatına görə, bu barədə "Report"a Peşəkar Futbol Liqasının (PFL) prezidenti Ramin Musayev açıqlama verib.

Onun sözlərinə görə, "Qarabağ"la "Neftçi" arasındakı qarşılaşma paytaxt stadionlarından birində təşkil olunacaq. R.Musayev stadionun adının mayın 6-da hər iki klubun nümayəndələri ilə görüşdən sonra açıqlanacağını bildirib: "Gəncə şəhər stadionunda süni işıqlandırma yoxdur. Bu halda gərək oyunu gündüzə təyin edək. Amma mayın sonlarında isti hava şəraitində orada günorta saatlarında oyunun keçirilməsi münasib deyil. Qəbələ şəhər stadionunda ötən il final görüşünü təşkil etmişik. Ona görə də matçın paytaxtdakı təbii örtüklü stadionlardan birində təşkili daha yaxşı olardı. Bu gün 17 yaşadək futbolçular arasında Avropa çempionatı başlanır. Sabah klubları bir araya gətirib müzakirə aparacağıq və ən əlverişli qərarı qəbul edəcəyik".

PFL prezidenti final oyunu üçün münasib stadionların adlarını da çəkib. Onun sözlərinə görə, mövsümün son görüşü Bakı Olimpiya Stadionu və "Dalğa Arena" ilə yanaşı, "Bakcell Arena" və hətta "Əlincə Arena"da da keçirilə bilər. R.Musayev bildirib ki, "Bakcell Arena" "Neftçi"yə məxsus olsa da, "Qarabağ"ı da qane edər. "Əlincə Arena"nın isə tamaşaçı tutumu və şəraiti də belə məsul görüşün təşkili üçün əlverişlidir.

Qeyd edək ki, final matçı mayın 25-də keçiriləcək.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30