Xaqani Məmmədov: "O, qələt edir"

AFFA Hakimlər Komitəsinin sədri Xaqani Məmmədov “Qəbələ”nin yarımmüdafiəçisi Rəşad Sadiqovu təhqir edib. Futbolxeber.az saytının məlumatına görə, X. Məmmədov “Neftçi” ilə oyundan sonra Sadiqovun verdiyi açıqlamalardan narazılığını gizlətməyib: “Sadiqov aldığı ikinci sarı vərəqəyə görə narazılıq etməkdə haqsızdır. O, qələt edir. Hakimin qərarı yüzdə yüz doğru idi. Təkrardan da görünür ki, onun əli topun qarşısını kəsir. Bu, qəsdən edilmiş hərəkət idi”.