“Qəbələ” məşqlərə başladı, Antonov komandadan ayrı çalışdı

Dünən ölkə kubokunun yarımfinal mərhələsinin ilk oyunu çərçivəsində səfərdə “Neftçi” ilə qarşılaşan “Qəbələ” hazırlığını fasiləsiz davam etdirir. Futbolxeber.az saytının məlumatına görə, Roman Qriqorçukun komandası bu gün paytaxtda növbəti məşqinə çıxıb. Hazırlıq prosesində “Neftçi”yə qarşı oynayan futbolçular iştirak etməyiblər. Yalnız Aleksey Antonov məşqə qatılıb. Ukraynalı forvard komandadan ayrı çalışıb. Belə ki, Antonov məşqçi nəzarəti altında qaçışla kifayətlənib.

Qeyd edək ki, günorta saatlarında Qəbələyə yollanan Roman Qriqorçukun komandası hazırlıqlarını doğma məkanda davam etdirəcək.