27 May 2020, Çərşənbə
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq
“Qarabağ” rekordçular arasında
Dmitri Nazarovdan növbəti qol

Ölkə futbolu

“3 hakimdən 2-si cəhənnəmə düşür, qoy, Əliyar Ağayev hansı tərəfdə olduğunu seçsin”

“Qəbələ”nin yarımmüdafiəçisi Rəşad Sadiqov “Neftçi” ilə oyundan sonra (1:1) jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- Oyun barədə nə deyə bilərsən?

- Meydana qələbə üçün çıxmışdıq. Hesabı da erkən açdıq. Fasilədən sonra əks-hücumlara üstünlek verirdik. Bunun nəticəsində 3-4 yüzfaizlik qol epizodu yaxalasaq da, onları dəyərləndirə bilmədik. Bununla belə, 1:1 pis nəticə deyil. Səfərdə qol vurmuşuq. Hesab edirəm ki, cavab oyunundan sonra mərhələ adlayan tərəf olacağıq.

- Fasilədən sonra əks-hücumlara üstünlük verməyinizə səbəb nə idi?

- Hesabda öndəydik. Əks-hücumlar zamanı rəqibi azlıqda yaxalayırdıq. Belədə qol vurmaq üçün daha çox şansımız olurdu.

- Aleksey Qayın cərimə meydançasında yerdə qaldığı epizodda penalti var idi?

- 100 faiz. Hakimin qəbul etdiyi qərar biarbıçılıqdır. Epizoda baxıb, hakimlər özləri utansınlar. Hamı gördü ki, orda penalti var idi.

- Qırmızı vərəqə aldığın epizodla bağlı fikirlərin necədir?

- Nə deyim? Əliyara təşəkkür edirəm. Harda məni tutur, qırmızı vərəqə göstərir (gülür). “Qarabağ”la ilk turdakı matçda da məni meydandan uzaqlaşdırmışdı. Halbuki həmin epizodda Qara Qarayevə yüngül toxunmuşdum. Qara özü də hakimin qərarından şoka düşmüşdü. Əliyar Ağayev namaz qılandır. Ona xatırlatmaq istərdim ki, belə bir hədis var: 3 hakimdən 2-si cəhənnəmə düşür. Qoy, indi özü seçsin hansı tərəfdə olduğunu.

- Baş məşqçiniz Roman Qriqorçuk da oyunsonrası mətbuat konfransında hakimlərdən gileyləndi və qeyd etdi ki, “Qəbələ” cari mövsüm hakim səhvlərindən 15 xal itirib...

- Dəfələrlə təmiz qolumuzu saymayıblar. Penaltilərimizi verməyiblər. Bu günə qədər hakimlər haqda danışmamışam. Amma “Neftçi” ilə oyunda səhvlər pik həddə çatdı. Bu qədər səhv olar?

- Səncə Əliyar Ağayev bu gün “Qəbələ”yə qarşı qərəzli idi, yoxsa oyunun ipini əldən buraxmışdı?

- Səhvlərin sayı çox olanda, hamı bunun qərəz olduğunu düşünür. Məncə də bu, qərəzdir. Çünki Əliyar Ağayev harda tutur, mənə heç nədən qırmızı vərəqə verir. Səhv olar 1 dəfə, 2 dəfə. Daha bu qədər yox...

- 1:1 hesabını ədalətli nəticə saymaq mümkündür?

- Qop eziodlarımız çox oldu. Hətta boş qapıya da qol vura bilmədik. Qələbə qazana bilmədiyimiz üçün təəssüflənirik.

- Cavab oyununda meydana çıxmayacaqsan. Komanda yoldaşların yoxluğunu unutdura biləcəklər?

- Əllərindən gələni edəcəklər ki, yerim görsənməsin. Komanda yoldaşlarıma inanıram.

- Bürünc medal və kuboku qazanmaq. Bu 2 məqsədinə çatsa, “Qəbələ” mövsümü xilas etmiş olacaq?

- Bizim üçün III və ya V yerin fərqi yoxdur. Bu cür kluba çempionluqdan başqa heç bir nəticə yaraşmır. Mütləq kuboku qazanalıyıq ki, mövsümü titulla tamamlayaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31