29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Ölkə futbolu

Prosineçki Kroyffun ölümündən danışdı

“Yohan Kroyffun ölüm xəbərini eşidəndən sonra çox pis oldum”. Futbolxeber.az saytının məlumatına görə, bunu milli komandamızın baş məşqçisi Robert Prosineçki deyib.

Əfsanəvi hollandiyalı Yohan Kroyff uzun sürən xərçəng xəstəliyinə yenik düşərək, 68 yaşında vəfat edib. “Barselona”nın tətbiq etdiyi “tiki-taka” sisteminin banisi olan Kroyff eyni zamanda Prosineçkinin baş məşqçisi də olub.

1988-1996-cı illərdə Kataloniya klubunu çalışdırmış “uçan holland”ın istəyi ilə rəhbərlik 1995-ci ildə “Ovyedo”dan Prosineçkini transfer edib. Lakin bir mövsümün ardından Kroyffla yanaşı, xorvatiyalı da komandanı tərk edib.

Prosineçki sabiq çalışdırıcısını bu cür xatırlayır: “Son günlər onun vəziyyətinin çox pis olduğunu bilirdim. Çünki yaxınları ilə müntəzəm ünsiyyətdə olur, durumu ilə maraqlanırdım. Kroyffun ölümü dünya futbolu üçün böyük itkidi. Çünki o, dahi insan və möhtəşəm futbolçu idi”.

Qeyd edək ki, futbolçu karyerası ərzində “Ayaks” və “Barselona”da bir çox titullar qazanmış Yohan Kroyff Hollandiya yığmasının heyətində 1974-cü ildə dünya çempionatının ikincisi, 1976-cı ildə isə Avropa çempionatının üçüncüsü olub. Məşqçi kimi o, “Ayaks”la “Barselona”ya Hollandiya və İspaniyada çempionluq və ölkə kuboku ilə yanaşı, UEFA Kubokunu da qazandırıb.

Mənbə: newsport.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31