“Kəpəz” məşqlərini davam etdirir

“Kəpəz” Azərbaycan Premyer Liqasının XXVI turunda qarşılaşacağı “Neftçi” ilə oyunun hazırlıqlarını davam etdirir. Futbolxeber.az saytının məlumatına görə, komanda həftəlik plan üzrə tarixi derbiyə hazırlaşır.

“Sarı-göylər”in heyətində zədəli və cəzalı futbolçuların olmaması məşqçilər korpusunu sevindirən məqamlardandır. “Xəzər Lənkəran”a qarşı matçdan sonra yüngül zədəsi olan kapitan Tural Axundovun artıq vəziyyəti yaxşıdır və onun səfər görüşündə iştirakı sual doğurmur. Sarı vərəqə limiti səbəbindən Lənkəran təmsilçisi ilə oyunu buraxan Şəhriyar Əliyev ilə Şəhriyar Rəhimov da cəza müddətini başa vurub və “Neftçi” ilə matçda Gəncə klubuna kömək edə biləcək (klub saytı).