19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Təbriz Həsənov: “Futbolçu çatışmazlığından əziyyət çəkirik”

17 yaşadək futbolçulardan ibarət milli komandamızın baş məşqçisi Təbriz Həsənov Futbolxeber.az saytına müsahibə verib.

- Yoxlama oyununda Ukrayna millisindən alınan 0:2 hesablı yenilgini necə şərh edərdiz?

- Təbii ki, məğlub olmağı heç kim istəmir. Bu gün birinci hissədə tam da olmasa, müəyyən üstünlüyümüz vardı. Komanda pis təsir bağışlamadı. Qol epizodları yaratsaq da, istifadə edə bilmədik. Fasilədən sonra yorğunluq özünü göstərdi. Rəqibə nisbətən komandamızda cəldlik itdi. Bunun da nəticəsində 2 qol buraxdıq.

- Yorğunluq fiziki yüklənmədən irəli gəlir?

- Təbii ki. Məşqlərlə yanaşı, ötən həftə Rusiya ilə 2 oyun keçirmişdik. Rusiya millisi kimi Ukrayna da Bakıya optimal heyətlə gəlib. Rəqiblər meydana rəsmi oyun kimi çıxırlar. Bu da başadüşüləndi. Çünki 10 gündən sonra Elit raundda mübarizə aparacaqlar. Bu oyunların bizə də xeyri var. Rəqiblərin gücünü hiss edirik. Komandamızda problemlər var. Xüsusən də hücum xəttində. Futbolçu çatışmazlığından əziyyət çəkirik. Axtarışlarımız davam edir. Çalışırıq ki, yaxşı hücumçu tapaq.

- Bu gün hücum xəttində Anil Jilaza şans verdiz. Onun oyunu sizi qane etdi?

- Onu daha əvvəl də sınamışdıq. Sonra müəyyən müddət zədəli oldu. Ona görə yenidən şans verdik ki, hazırkı durumunu görək. Oyunundan razı qalmadım. Daha sürətli, daha güclü futbolçulara ehtiyac duyuruq. Bu gün yoxladığım futbolçulardan razı qalmadım.

- Onu gələcəkdə yenidən sınamaq fikriniz var?

- Qarşıda Ukraynayla daha bir oyunumuz var. Onu həmin görüşdə də sınamaq fikrim var. Özünü yaxşı tərəfdən göstərsə, gələcəkdə də şans verə bilərik. Beynəlxalq oyunlarda çox əvəzetməyə imkan verilmir. Sərəncamımda eynisəviyyəli 18 oyunçu yoxdu. Əvəzetmədən meydana daxil olan futbolçu üçün oyunun sürətini tutmaq asan deyil. Bu gün də əvəzetmələrdən sonra oyunumuzda nizam-intizam itdi. Futbolçularda yorğunluq vardı. Əgər, imkanım olsaydı, 11 futbolçunun hamısını dəyişərdim. Rəqib bizdən çox qaçdı. Fasilədən sonra Ukrayna millisi pressinq tətbiq etdi və bu da tez-tez top itirməyimizə gətirib çıxardı.

- Qarşılaşmanın birinci hissəsində komandamızın cinah müdafiəçiləri hücuma tez-tez qoşulurdular. Bu, sizin xüsusi tapşırığınız idi?

- Mən komandaya rəhbərlik etdiyim ilk gündən bu tapşırığı veririk. Çünki müasir futbolda cinah müdafiəçiləri mütəmadi olaraq hücuma dəstək verirlər. Hər zaman bu sistemdə oynamaq istəyirik. Amma mütəmadi etmək alınmır. Oyun ərzində bunu tez-tez etmək üçün güc lazımdı. Bu gün ikinci hissədə edə bilmədik. Çünki komanda yorulmuşdu.

- Bu gün qapıda şans verdiyiniz Kamran İbrahimov ümidləri doğrultdu?

- Buraxılan qollarda Kamranın ciddi xətalarının olduğunu deməzdim. Hələ ki, ona güvənirik.

- Murad Popova gələcəkdə yenidən şans verməyiniz mümkündü?

- Təbii ki, o bizim oyunçudu. Qapıçı bir səhvə yol veribsə, onun üstündən xətt çəkə bilmərik. Gələcəkdə Popova yenə şans veriləcək.

- Ukrayna ilə oyunda ilk dəfə Harun Enes Nural və Taylan Özgün də komandanın heyətində yer aldı.

- Onlar ilk dəfədir ki, milliyə cəlb olunurlar. Daha əvvəl də dediyim kimi, yaxşı hücumçu axtarışındayıq. Lakin bu gün onların çıxışını bəyənmədim

- Axtardığınız hücumçunu Azərbaycanda tapmağınız çətin görünür...

- Bəli. Azərbaycandakı hücumçuların hamısını yoxlamışam. Amma istədiyimiz səviyyədə forvard yoxdu.

- Bu, təkcə U-17-nin yox, bütün aşağı yaş qrupu üzrə milli komandalarımızın problemidi.

- Həqiqətən də elədi. Bu problem bütün komandalarda var. Hazırda yığmanın 1 hücumçusu var - Doğukan Öksüz. Amma ən azı daha 1 hücumçuya ehtiyac duyuruq. Daha bir forvard bizə Avropa çempionatında çox lazım olacaq.

- Avropa çempionatının startına təxminən 2 ay vaxt qalıb. Bundan sonrakı planlarınız nədən ibarətdi?

- Yenə Bakıya hansısa rəqibi dəvət etməliyik. Məqsəd güclü yığmayla üz-üzə gəlməkdi. Amma bu, apreldə mümkün olacaq. Həmin vaxt Avropa ölkələrindən birini Bakıya dəvət edəcəyik. Lakin indidən hansı rəqiblə qarşılaşacağımızı demək çətindi. Çünki bunun üçün Elit raundun oyunları baş tutmalıdı. Martda da Bakıda toplanış keçəcəyik. Həmin vaxt Azərbaycan klubları ilə üz-üzə gələcəyik.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31