Dmitri Bezotosnı: “Çempionluq şansı hər zaman var”

“İnter”lə oyunda əsas olan qələbə qazanmaq idi. Hava şəraiti əlverişsiz idi və buna görə də meydanda mübarizə aparmaq daha da çətinləşirdi. Belə şəraitdə döyüşkən xarakter göstərmək lazım idi ki, “İnter”ə uduzmayaq. Bunu da bacardıq”. Futbolxeber.az saytına müsahibəsində bu sözləri “Qəbələ”nin qapıçısı Dmitri Bezotosnı deyib.

Ukraynalı qapıçı “İnter”i 1:0 hesabı ilə məğlub etdikləri görüşdən danışarkən havanın küləkli olmasını xüsusi qeyd edib: “Külək ayrıca problem yaradırdı. Topu vurduqdan sonra geri qayıdırdı. Mən də topa zərbə vurarkən diqqətli olurdum ki, səhvə yol verməyim”.

Bezotosnı “Qəbələ”nin uğursuzluqdan çıxması ilə suala dəqiq cavab verməyib: “Əvvəldən bu barədə çox danışmaq istəmirəm. Hər şeyi zaman göstərəcək. Bircə onu deyə bilərəm ki, biz bütün oyunlara qələbə qazanmaq üçün çıxırıq. Ümidvaram ki, istədiyimiz uğurlu nəticələri göstərə biləcəyik”.

“Qəbələ”nin qolkiperi komandasının çempionluq şansını da dəyərləndirib: “Çempionluq şansı hər zaman var. Ötən ili xatırlamağımız yetər. Keçən il də zirvədən aralı düşmüşdük. Heç kəs də ağlına da gətirməzdi ki, ardıcıl uğurlu çıxış edib, mövsümü 3-cü pillədə başa vurardıq. Səhv etmirəmsə, ötən mövsüm də 12-13 xal fərqi var idi. Ona görə deyirəm ki, hər şey ola bilər. Çünki bu futboldu, heç nəyə öncədən proqnoz vermək olmur”.