27 May 2020, Çərşənbə
“Qarabağ” rekordçular arasında
Dmitri Nazarovdan növbəti qol
Seydiyev “Qəbələ”dən gedir
Fəriddən 2 məhsuldar ötürmə

Ölkə futbolu

Cavid Hüseynov “Altı aydır günahsız yerə həbsdəyəm, bunun haqqını kim ödəyəcək?”

Bu gün Səbail rayon Məhkəməsində futbolçu Cavid Hüseynovun cinayət işi üzrə məhkəmə prosesi davam etdirilib. Futbolxeber.az-ın APA-ya istinadən verdiyi məlumata görə, hakim Elmar Rəhimovun sədrlik etdiyi iclasda məhkəmə baxışının başlanmasına qərar verilib.

Dövlət ittihamçısı ittiham aktını elan edib.

İttiham aktına münasibət bildirən Cavid Hüseynov ittihamları qəbul etmədiyini deyib.

Daha sonra ifadə verən Cavid Hüseynov deyib ki, məlum futbol matçında kiprli jurnalistə cavabında əl hərəkəti ilə Türkiyə ilə Azərbaycanın qardaş olduğunu göstərməyə çalışıb: “O oyundan sonra bibim oğlu Elşən İsmayılov mənə dedi ki, Rasim Əliyev adında jurnalist "Facebook"da mənim barəmdə nalayiq ifadələr yazıb. Mənsə ona dedim ki, əhəmiyyət verməsin. Elşənin Rasimlə görüşündən, onunla dalaşmağından xəbərim olmayıb. Sonra Rasim Əliyevin rəhmətə getdiyini biləndə Elşənə dedim ki, polisə təslim olsun, hər şeyi danışsın, “Whatsapp”da olan yazışmalarını da silsin. Çünki bu məsələdə adımın hallanmasını istəmirdim”.

 Cinayətkar olmadığını deyən C. Hüseynov “altı aydır günahsız yerə həbsdəyəm, bunun haqqını kim ödəyəcək? Allahın hüzurunda olanda öz haqqımı tələb edəcəyəm”, - deyə bildirib.

Xatırladaq ki, Cavid Hüseynov jurnalist Rasim Əliyevin ölümü ilə bağlı təqsirləndirilir. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31