31 May 2020, Bazar günü
“Mənim bəxtim bir az çox gətirdi”
Klublar Komitəsinin iclası olacaq
Azərbaycanda futbolsuzluq başa çatır
“Qarabağ"da bosniyalı yarımmüdafiəçi?

Ölkə futbolu

Zurab Xizanişvili: “Bizim kimi “Qəbələ” də ardıcıl 2 oyun uduzmaq istəmir”

“İnter”in müdafiəçisi Zurab Xizanişvili Futbolxeber.az saytına müsahibə verib.

- “İnter” Premyer Liqanın III dövrəsinin ilk oyununda “Zirə”yə 1:2 hesabı ilə uduzdu. Qarşılaşma haqda nə deyə bilərsiz?

- Çətin oyunu idi. Matça yaxşı başlamadıq. İlk hissədə qapımızda qol gördük. Sonradan hesabı bərabərlədirsək də, yekunda yenə uduzduq. “Zirə”yə məğlub olsaq da, artıq bu oyunu unudub, gələcəyə baxmalıyıq. Növbəti turda “Qəbələ” ilə qarşılaşacağıq. Həmin oyunda mütləq qələbə qazanmalıyıq.

- “Zirə”yə uduzmağınızın səbəbini nədə görürsüz?

- Hər şey ilk qoldan sonra başladı. Hesabda geri düşməyimiz motivasiyamızı korladı. Demək olar ki, heç nədən qol buraxdıq. Amma ruhdan düşməməliyik, gələcəyə baxmalıyıq.

- İlk qol zamanı komanda yoldaşınız Abbas Hüseynov rəqib hücumçu ilə sona qədər mübarizə aparsa da, onun ötürmə etməsinə mane ola bilmədi. Buna görə onu günahlandırmaq olar?

- Rəqib bizi əks hücumda yaxaladı. Komanda yoldaşımın səhv etdiyini dəqiq deyə bilmərəm. Epizodun təkrarına baxmaq lazımdı. Amma qol vurulubsa, deməli hamımızın səhvi var. Həmin vaxt hesab 0:0 idi. Bəlkə də hesabı “Zirə” yox, biz açsaydıq, matçın yekun nəticəsi tam fərqli olacaqdı.

- Növbəti turda qarşılacağınız “Qəbələ” də III dövrəyə məğlubiyyətlə başlayıb. Bu məqam sizin işinizi daha da çətinləşdirəcək?

- Bəli, “Qəbələ” də Gəncədə uduzdu. Bu səbəbdən onlar bizimlə oyuna çox ciddi hazırlaşacaqlar. Bizim kimi “Qəbələ” də ardıcıl 2 oyun uduzmaq istəmir.

- Ardıcıl 2 məğlubiyyəti komandanın iddiasına zərbə hesab etmək olar?

- Belə baxanda, 2 oyun ard-arda uduzmaq faciə deyil. Amma qarşısına ciddi hədəflər qoyan klublar üçün 2 tur ard-arda xala həsrət qalmaq uğursuzluqdu.

- “Qəbələ”, “Qarabağ” və “İnter” III dövrənin ilk turunda uduzdu. Bu nəticələri siz də gözlənilməz hesab edirsiz?

- Təbii ki, bu nəticələri sürpriz saymaq olar. Amma bu futboldu və futbolu maraqlı edən məqam da məhz budur. Digər tərəfdən “İnter” “Zirə” ilə qarşılaşırdı. Yəni bu, ikinci və üçüncü pillədə qarşılaşan komandaların, eynisəviyyəli rəqiblərin dueli idi. “Qəbələ”nin Gəncədə uduzması böyük sürpriz oldu. “Qarabağ”ın da yenilgisi gözlənilməzdi. Bu isə o deməkdir ki, turnir cədvəlində komandaların hər biri digərinə yaxındı. İndidən kimin çempion olacağını deyə bilmərik




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31