Bəhmən Həsənov: “Şansları dəyərləndirə bilmədik”

“Rəvan”ın baş məşqçisi Bəhmən Həsənov Azərbaycan Premyer Liqasının XIX turu çərçivəsində “Xəzər Lənkəran”a qarşı baş tutan oyunla (0:0) bağlı fikirlərini açıqlayıb. Futbolxeber.az-ın məlumatına görə, "Rəvan”ın çalışdırıcısı bunları deyib: "Qış fasiləsində heyətimizdə bir sıra dəyişikliklər olub. Məlum səbəblərdən klubu tərk edənlər oldu. Əvəzində bir neçə yeni oyunçu cəlb etmişik. "Xəzər Lənkəran" da bizimlə oxşar durumdadır. Amma onların gənclərdən ibarət komandası istənilən rəqib üçün başağrısı ola bilər. Ot örtüyü əlverişsiz olsa da, hər iki komanda əlindən gələni etdi. Təəssüf ki, qol vurmaq üçün əldə etdiyimiz şansları dəyərləndirə bilmədik” (klub saytı).