Vaqif Cavadov: “Neftçi”dən qorxumuz yox idi”

"Neftçi”yə qarşı pis oynamadıq. Meydanda əlimizdən gələni edirdik. Lakin istəyimizə çatmadıq və xalsız qaldıq”. Futbolxeber.az saytına müsahibəsində bu sözləri “Sumqayıt”ın hücumçusu Vaqif Cavadov deyib.

Təcrübəli futbolçu 0:1 hesablı məğlubiyyətin səbəbini belə izah edib: “Oyun ərzində müdafiədə bircə səhv etdik və "Neftçi" də bundan maksimum yararlandı. İnanıram ki, bundan sonra daha güclü çıxış edəcəyik”.

Cavadov öz oyununu şərh etmək istəməyib: “Məni tanıyırsız. Heç vaxt öz oyunum barədə danışmamışam. Komanda yoldaşlarıma göstərdikləri oyuna görə əhsən deyirəm. Daha çox işləmək lazımdı ki, qarşıdakı matçlarda eyni səhvləri təkrarlamayaq. “Neftçi”yə qarşı ilk 10 dəqiqədə yaxşı oynamadıq. İkinci hissədə də belə oldu. Fasilədən sonra səhvlər etdik. Rəqib də qolunu vurdu. “Neftçi”dən qorxumuz yox idi”.