23 Oktyabr 2019, Çərşənbə
Turun oyunçusu - Rəhman oldu
Nazarovdan Almaniyada yeni rekord
Lixtenşteynlə oyun Sumqayıtda
AFFA-dan Təmkinə sərt cəza

Ölkə futbolu

Cavid İmamverdiyev: “Lap Amerikada hazırlıq keç, çıxıb futbol oynamaq lazımdı”

“Neftçi”nin yarımmüdafiəçisi Cavid İmamverdiyev Futbolxeber.az saytına müsahibə verib.

- “Sumqayıt” üzərində qazanılan minimal hesablı qələbəni necə şərh edərdin?

- “Sumqayıt” güclü komandadır. Birinci hissədə kompakt oynaya bilmədik. Bu səbəbdən də oyunumuz yaxşı alınmadı. Lakin fasilədən sonra daha yaxşı çıxış etdik. Qol şansımız oldu və dərhal hesabı açdıq. Belə oyunların taleyini 1 qol həll edir.

Komandamızı qələbə münasibəti ilə təbrik edirəm. Növbəti oyunlarda daha yaxşı oynayacağıq.

- Matçın gedişində yüzfaizli qol şansını qaçırdın. Bunu həyəcanla əlaqələndirmək olar?

- Yox, həyəcanlı deyildim. Belə hallar çox olub. Sadəcə qapıçını görmədim. Topu saxlayanda rəqib artıq qarşımdaydı. Növbəti oyunlarda belə şansım olsa, mütləq dəyərləndirəcəyəm.

- Avrokuboklara vəsiqə qazansa belə, müəyyən səbəblərdən “Zirə” və “İnter” qitə kuboklarından kənarda qala bilər. Bu məqam “Neftçi”nin ümidini artırır?

- Yox, biz ona ümid bağlamaq istəmirik. Çalışırıq ki, özümüz avrokuboklara vəsiqə qazanaq. “Neftçi” xalqın komandasıdı. Çalışırıq ki, Avroliqaya, Çempionlar Liqasına vəsiqə qazanacaq.

- Çempionlar Liqasını qeyd etdin. Həqiqətənmi “Neftçi” hələ də çempionluğa ümid edir?

- Əlbəttə, çempion olacağımıza inamımız qalıb. “Neftçi” hər zaman çempionluğa oynayıb. Allahın işidi. Ya çempion olub Çempionlar Liqasında, ya da ikinci yerin sahibi kimi Avroliqada çıxış edəcəyimizə inanıram.

- Belə oyunla “Neftçi” məqsədinə çata bilər?

- III dövrə təzə başlayıb. Dəqiq proqnoz vermək çətindi. Gələn oyunlarda daha yaxşı çıxış edəcəyik. Adımıza layiq oynayacağıq

- “Sumqayıt” Antalyada, “Neftçi” Bakıda hazırlıq keçdi. Lakin qələbə qazanan tərəf siz olduz. Bu, nəyəsə işarədi?

- Deməzdim, çünki istəyirsən lap Amerikada hazırlıq keç, çıxıb futbol oynamaq lazımdı. Əsas olan tablodakı yekun nəticədi. Bakıda hazırlıq keçməyimiz çox yaxşı oldu. Hazırlıq prosesimiz əla keçdi. Baş məşqçimiz arada imkan verirdi ki, evimiz gedib, yaxınlarımızı da görək. Məndən olsa, istərdim ki gələcəkdə də təlim-məşq toplanışlarını Bakıda keçək.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31