14 Dekabr 2019, Şənbə
Rüfət Dadaşovdan növbəti qol
Kaxaber Sxadadze Bakıya gəldi
Yurçeviç göndərildi, yerinə isə...
“Qarabağ” “Düdelanj”la heç-heçə etdi

Ölkə futbolu

“Pünik” yenidən biabır olmaqdan qorxduğu üçün “Neftçi” ilə oyundan imtina etdi”

Azərbaycan yığmasının məşqçisi Mahmud Qurbanovun müsahibəsi

- "Neftçi"nin Birlik Kuboku çərçivəsində Ermənistan "Pünik"i üzərində qazandığı qələbədən (2:0) 11 il ötür. Bu oyunu necə xatırlayırsınız?

- Ermənilərlə futbol meydanlarında təsadüfi hallarda üz-üzə gəlmişik. Rəqibin və oyunun statusunu, üstəlik yanvarın 19-da, bizim üçün çox həssas günə təsadüf etdiyini nəzərə alsaq, qarşılaşma bizim üçün xüsusi əhəmiyyət daşıyırdı. Üstəlik, oyun Rusiyanın paytaxtı Moskvada keçirilirdi. Bu üzdən də oyun bütün keçmiş SSRİ ölkələri üçün maraqla gözlənilirdi. Qələbə qazanmağa borclu idik. Oyun və nəticə göstərdi ki, biz onlardan daha güclüyük. Bu, onlar üçün böyük zərbə oldu.

- Bəzi azarkeşlərin sözlərinə görə, “Birlik Kuboku” elə də populyar turnir deyildi və "Qarabağ"ın Avropa Liqasında uğurlu çıxışı "Neftçi"nin "Pünik" üzərindəki qələbəsindən daha önəmlidir...

- "Qarabağ"ın uğurlu çıxışı təbii ki, çox vacibdir. Amma bu görüşün də öz yeri var.

- Həmin oyunu yadınıza salanda, hansı emosiyaları yaşayırsınız?

- 11 il keçsə də, emosiya hələ də qalıb. Şadam ki, indi həmin oyunu müsbət emosiya ilə xatırlayırıq. “Birlik Kuboku”nu da yada salanda ilk növbədə həmin oyun yada düşür.

- Vidadi Rzayevin sözlərinə görə, qol vurduqdan sonra nəfəs almaqda çətinlik çəkdiyi üçün əvəzlənməsini xahiş edib...

- Emosiya və həyəcan baxımından həmin görüşə çatan hansısa oyun olduğunu düşünmürəm. Şəxsən mənim karyeramda başqa elə bir oyun olmayıb ki, o qədər ciddi köklənim. Çünki düşmənlərimizə qarşı oynayırdıq və başqa cür ola da bilməzdi.

- Oyunun gedişində "Pünik"in futbolçuları ilə dialoqunuz oldumu?

- Əlbəttə, dialoqumuz olurdu. Amma onların heç birini sizə deməcəyəm. Çünki heç biri normal söz deyil.

- Bu oyundakı qələbədən sonra daha bir qələbə qazanmaqla finala çıxsanız da, "Lokomotiv"ə uduzdunuz. Artıq moskvalılarla oyun sizin üçün əhəmiyyət daşımırdı?

- Əlbəttə, vətənə kubokla qayıtmağımız daha yaxşı olardı. Amma həmin turnirdə bizim üçün ən əhəmiyyətli oyunda qalib gəlmişdik. "Pünik"lə oyun bizim üçün elə finala bərabər idi.

- Ondan sonrakı mövsümdə də "Pünik" "Neftçi"yə rəqib oldu. Amma onlar sizinlə görüşməkdən imtina etdilər...

- Bu, normaldır. Onlar yenidən uduzacaqlarını başa düşürdülər. Özlərini niyə yenidən biabır edəydilər ki? Həm də bir il əvvəlki oyunda yaxşı dərs almışdılar.

Mənbə: azerisport.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31