28 Yanvar 2020, Çərşənbə axşamı
Füzuli Məmmədov? Bacarmalıdı!
Millimizdən ardıcıl üçüncü qələbə
Yığmamızın oyunları CBC Sport-da
“Zirə” daha bir legionerlə vidalaşdı

Ölkə futbolu

Roman Qriqorçuk: "Transfer məsələsində tələsmək istəmirik"

"Mövsümün ikinci yarısına hazırlığı yaxsı şəraitdə davam etdiririk. Bu, nəzərdə tutduğumuz bütün işləri həyata keçirməyə imkan verir. Hesab edirəm ki, hazırlığa qiymət vermək hələ tezdir. Məşqlərə yeni başlamısıq və hər şey qaydasında gedir”. Futbolxeber.az-ın məlumatına görə, bu fikirləri “Qəbələ İK"ya açıqlamasında əsas komandanın baş məşqçisi Roman Qriqorçuk deyib.

Yanvarın 10-da Türkiyənin Antalya bölgəsində başlayan təlim-məşq toplanışı haqda düşüncələrini bölüşən ukraynalı mütəxəssis futbolçuların çalışqanlığından razılıq edib. Qriqorçukun sözlərinə görə, istirahətdən qayıdan oyunçularda artıq çəki cəhətdən problem olmayıb: “Ümumiyyətlə, futbolçuların fiziki durumlarında problem, “boşalma” görmürəm. Görünür, istirahət vaxtı müəyyən qaydalara əməl ediblər, hamısı düşərgəyə yaxşı psixoloji vəziyyətdə gəlib. Məşqlərdə işlərini məmnuniyyətlə görürlər. Əlbəttə, hazırlığın ilk günlərində fiziki çalışmalara xüsusi diqqət yetiririk. Ümumilikdə isə hazırlığı müxtəlif mərhələlərə ayırmırıq. Çünki işə yanaşmamız kompleks olduğundan hər şeyi əhatə edir”.

Ukraynalı çalışdırıcı hazırlıqda olan yeni futbolçu Rəşad Eyyubovla bağlı da fikirlərini bildirib. O, gənc yarımmüdafiəçinin vaxtilə baş məşqçi kimi çalışdığı “Çernomorets”in yetirməsi olmasının ona dəvətdə heç bir rol oynamadığını söyləyib: “Çünki Rəşadın Odessada yaşaması, futbola orada başlaması barədə məlumatım yox idi. Bundan yarım il öncə xəbər tutdum. Etiraf edirəm ki, Eyyubovu hələ ötən yay komandamıza cəlb etmək istəyirdim. Sadəcə, həmin vaxt keçid baş tutmadı. Fikrimcə, Eyyubov maraqlı futbolçudur. O, oyun üslubumuza dəqiq uyğun gəlir”.

Heyətin gücləndirilməsinin zəruri olduğunu vurğulayan Qriqorçukun sözlərinə görə, qış fasiləsində yeni transferlər nəzərdə tutulub: “Bu, birmənalı olaraq qarşımızda duran məsələdir. Komandanı gücləndirməyin lazım olduğunu başa düşürük. Ancaq digər tərəfdən, tələsik addım atmaq da istəmirik. Çünki həm “Qəbələ”nin, həm də Azərbaycan Premyer Liqasının səviyyəsi yetərincə yüksəkdir. Ona görə gələn yeni futbolçu bu səviyyəyə, qarşımızda duran vəzifələri yerinə yetirməyə uyğun olmalıdır. İnanın ki, dediyim tələblərə cavab verən futbolçunu tapmaq heç də asan deyil. Bu üzdən transfer işləriylə bağlı çox çalışırıq. Ümid edirəm ki, seleksiya istiqamətində müəyyən addımlar atıb, heyəti real olaraq gücləndirəcək futbolçu tapa biləcəyik”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31