Riberi "Bavariya"da qaldı

Frank Riberi "Bavariya" ilə yeni müqavilə imzalayacaq. Futbolxeber.az-ın məlumatına görə, bu haqda Münhen klubunun direktorlar şurasının nümayəndəsi Karl-Haynts Rummenige məlumat verib. O bildirib ki, Riberi komanda ilə olan müqaviləsini daha iki illiyinə uzadacaq: "Sevinərək bildirirəm ki, biz Riberi ilə yeni müqavilə haqda razılığa gəldik. O komanda ilə 2 illik sözləşmə imzalayacaq. 2007-ci ildə Riberi bizim komandamıza gələndə, o özündə tez-tez klub dəyişən futbolçu imicini formalaşdırmışdı. Amma artıq 6 ildir ki, "Bavariya"nın şərəfini qoruyur. Riberi və ailəsi Münhendə özlərini əla hiss edir. Bu səbəbdən də futbolçu heç yana getmir".