28 Yanvar 2020, Çərşənbə axşamı
Füzuli Məmmədov? Bacarmalıdı!
Millimizdən ardıcıl üçüncü qələbə
Yığmamızın oyunları CBC Sport-da
“Zirə” daha bir legionerlə vidalaşdı

Ölkə futbolu

Sadiqov: “PAOK-dan çəkinmədik”

“PAOK-dan çəkinmədik. Səfərdə belə rəqiblə heç-heçə pis nəticə deyil. Qrupda qazanılan hər bir xal dəyərlidi”. Futbolxeber.az saytına müsahibəsində bu sözləri “Qəbələ”nin yarımmüdafiəçisi Rəşad Sadiqov deyib.

Təcrübəli futbolçu qolsuz tamamlanan PAOK-la matç haqda bunları söyləyib: “Məncə, pis oynamadıq. Sadəcə, yaxaladığımız qol epizodlarından yararlana bilmədik. Sonda da qələbə gətirəcək qolu vura bilərdik. Lakin bəxtimiz gətirmədi”.

Sadiqov qeyd edib ki, oyunun gedişində özü əvəzlənməsini istəyib: “10 gün idi ki, komanda ilə birgə məşq etmirdim. Daha əvvəl zədələndiyimdən belimdə ağrılar var idi. Son 10 gündə müalicə olunurdum. Matça qədər komanda ilə birgə cəmi 2 məşqə çıxmışdım. Oyunun gedişində bir qədər ağrı hiss etdim. Elə buna görə də əvəzlənməyimi istədim”.

Son turun nəticəsindən asılı olmayaraq, “Qəbələ” artıq Avroliqada 1/16 finala yüksəlmək şansını itirib. Bununla bağlı da Sadiqov fikirlərini açıqlayıb: “Birinci dəfədir ki, “Qəbələ” Avroliqanın qrup mərhələsində çıxış edir. Hesab edirəm ki, bunun özü də “Qəbələ” üçün uğurdu. Özü də biz 4 mərhələ adladıqdan sonra qrup mərhələsinə vəsiqə qazanmışıq. Bu isə böyük nəticədi. Rəqiblərimizin kimliyini də unutmaq olmaz. Yenə də güclü rəqiblərə qarşı layiqli mübarizə apardığımızı düşünürəm”.

Sadiqov sonda Avroliqanın qrup mərhələsinin son turunda “Krasnodar”a qarşı keçirəcəkləri oyuna da toxunub: “Krasnodar”la görüşə qələbə üçün çıxacağıq. Çalışacağıq ki, cari mövsümdə Avroliqadakı son oyunumuzda 3 xal qazanaq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31