16 Sentyabr 2019, Bazar ertəsi
“Qarabağ” üçün 3 892 880 avro
“Qarabağ” iki rekorda imza atıb
Bordin: “Komandamda istək çatmadı”
"Neftçi" "Qarabağ"a uduzdu

Ölkə futbolu

Rəşad Sadiqov: “Qruplaşma olsa, rəhbərlik dərhal onu dağıdar”

“Qəbələ”nin yarımmüdafiəçisi Rəşad Sadiqov Futbolxeber.az-ın Salonikiyə ezam olunmuş əməkdaşına müsahibə verib.

- Sabah PAOK-a qarşı keçiriləcək oyun haqda nə deyə bilərsən?

- Çətin oyun olacaq. Amma bu, son şansımızdı. Mütləq qələbə qazanmalıyıq. Elə bura da qələbə üçün gəlmişik. 3 xal qazanmalıyıq ki, “Borussiya” da “Krasnodar”ı məğlub edəcəyi halda, qrupdan çıxmaq şansımız olsun. Vətənə qələbə ilə qayıtmaq üçün əlimizdən gələni edəcəyik.

- “Qəbələ” PAOK-la oyuna hazırlaşa bilib?

- Normal hazırlaşmışıq. Düzdür, son zamanlar 3 gündən bir oynayırıq. Amma peşəkar komandayıq. Buna artıq öyrəşməliyik. Uğur qazanmaq üçün tam gücümüzü meydanda qoyacağıq.

- Dodonun yoxluğu “Qəbələ”nin çıxışına nə dərəcədə təsir edəcək?

- Sabahkı matçda həm Dodo, həm də Fakundo Pereyra olmayacaq. Amma çalışmalıyıq ki, onların yoxluğu oyunumuza təsir göstərməsin. Dodonun yoxluğu “Qəbələ”nin oyununa təsir edə də bilər, etməyə də. Futbol kollektiv oyundu. 1 nəfər yoxdusa başqası onu əvəzləyəcək.

- Salonikidən 3 xalla qayıtmaq üçün “Qəbələ” ilk növbədə nəyə diqqət etməlidi?

- Sürətli hücumlara atılmayılıq. Sürətli oynamaq lazımdı ki, rəqib anidən yaxalaya bilək. PAOK-a qarşı “Panatinaikos”la matç olduğu kimi oynamalıyıq.

- “Qəbələ” haqda son zamanlar mətbuatda çox xəbərlər yazılır. Onlardan biri də komandada qruplaşmanın olmasıdı. Həqiqətənmi “Qəbələ”də futbolçular qruplaşmaya yaradıb?

- Belə bir şey yoxdu. Bu, yalan məlumatdı. Biz daim biryerdə oluruq. Fərdi olaraq kimsə kimisə bəyənməyə bilər. Amma hər hansı bir qruplaşma mövcud deyil. Qruplaşma olsa, rəhbərlik dərhal onu dağıdar.

- Son zamanlar səni meydanda gec-gec görürük. Bunun səbəbi nədir?

- Son vaxlar az şans qazanıram. Bu baş məşqçinin fikridi. Mən də onun fikrinə hörmətlə yanaşıram və dayanmadan üzərimdə çalışıram. Əvvəl məni fikrində tutub oynadırdı. Indi isə başqasına şans verir. Bunu da normal qəbul edirəm. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30