PAOK-un baş məşqçisi: “Qəbələ” ilə oyun belə olmayacaq”

“Qəbələ” ilə oyun belə olmayacaq. Noyabrın 26-da fərqli futbol sərgiləməyə çalışacağıq”. Futbolxeber.az-ın məlumatına görə, bunu PAOK-un baş məşqçisi İqor Tudor deyib.

Yunanıstan çempionatının XI turunda “Panetolikos”la qolsuz bərabərə qalan Saloniki klubu noyabrın 26-da Avropa Liqasının qrup mərhələsi çərçivəsində “Qəbələ”ni qəbul edəcək.

“Panetolikos”la qarşılaşmadan sonra yerli mətbuata açıqlama verən xorvatiyalı mütəxəssis komandasının çıxışından məmnun qalmadığını söyləyib: “Bizim üçün uğurlu oyun olmadı. Komandada psixoloji cəhətdən problemlər var. Paltardəyişmə otağında gərginlik yaranmışdı. Bu vəziyyəti düzəltmək üçün məşqçilər korpusu olaraq əlimizdən gələni edirik. “Qəbələ” ilə görüşə qədər bu durumu dəyişməliyik. Fikrimcə, bunu bacara bilərik”.

Qeyd edək ki, PAOK -“Qəbələ” oyunu noyabrın 26-da “Tumba Stadium”da keçiriləcək.

Mənbə: apasport.az