“Qarabağ” - “Tottenham” matçının biletləri satışda

Avropa Liqasının qrup mərhələsinin V turu çərçivəsində baş tutacaq “Qarabağ” (Azərbaycan) - “Tottenham” (İngiltərə) qarşılaşmasının biletləri satışa çıxıb. Futbolxeber.az-ın məlumatına görə, noyabrın 26-da 22:00-da Tofiq Bəhramov adına Respublika stadionunda start götürəcək qarşılaşmanın biletlərini adı çəkilən arenanın kassalarından əldə etmək mümkündür.

Biletlərin qiymətləri nömrəli sektorlar üzrə 1,2,5,10 AZN üzrə dəyişir. VİP sektor 50 AZN-dir.

“Qarabağ”` Futbol Klubu azarkeşlərdən xahiş edir ki, biletləri sadəcə kassalardan məhz göstərilmiş qiymətlərlə alsınlar. Biletlər məhz kassalarda qeyd olunmuş qiymətlərlə satılır.

Qeyd: “Qarabağ” FK Bakı Metropoliten İdarəsinə adıçəkilən qurumun oyun günü  gec bağlanması üçün müraciət edib. Belə də oyun başa çatdıqdan sonra azarkeşlərin metro nəqliyyatından yararlanması mümkün olacaq.