18 Sentyabr 2019, Çərşənbə
DÇ-2019: Mariya Stadnik finala yüksəldi
“Qarabağ” üçün 3 892 880 avro
“Qarabağ” iki rekorda imza atıb
Bordin: “Komandamda istək çatmadı”

Ölkə futbolu

“Qəbələ”yə transfer olunduğu iddia edilən “Beşiktaş”lı Futbolxeber.az-a danışdı!

“BU XƏBƏRİ YAZAN JURNALİSTLƏ MƏHKƏMƏDƏ GÖRÜŞƏCƏYİK”

“Əvvəlcə mənimlə əlaqə yaratdığınız üçün sizə minnətdaram. Bu məsələ ilə bağlı mən özüm də danışmaq istəyirdim”. Futbolxeber.az saytına müsahibəsində bu sözləri “Beşiktaş” azarkeşi Sedat Özdəmir deyib.

Bir neçə gün əvvəl Türkiyənin “hürriyet.com.tr” saytında Sedat Özdəmirin adından bir neçə “Beşiktaş” azarkeşinin “Qəbələ” ilə əməkdaşlığa başladığı barədə açıqlama yer almışdı.

Bununla bağlı Özdəmir saytımıza müsahibəsində ilk növbədə “Qəbələ” ilə tanışlığından söz açıb: “Mən böyük bir şirtkətdə, yaxşı vəzifədə çalışıram. Allaha şükür olsun ki, maddi durumum yaxşıdı. Kimsəyə möhtac deyiləm. 35 ildir “Beşiktaş” azarkeşiyəm. Ən aktiv tribuna qruplarından birinin rəhbəriyəm. “Qəbələ” ilə tanışdlığımızın tarixçəsini danışmaq istəyirəm. Mən çalışdığım şirkətin rəhbərliyi ilə “Qəbələ” rəhbərliyinin ortaq işləri var. Şirkətimizin rəhbəri mənimlə əlaqə saxladı. “Qəbələ” klubu haqda məlumat verdi. Bildirdi ki, klub bu mövsüm heyətini xeyli gücləndirib, rəhbərlik avrokuboklardakı çıxışa böyük önəm verir. Birinci mərhələdə gürcü klubunu (“Dinamo”, Tiflis-red.) mübarizədən kənarlaşdırıblar. Növbəti rəqibləri isə serb (“Çukariçki”-red.) klubudu. Özünlə birgə bir neçə azarkeş götür və Bakıya gedib, komandaya dəstək olaq. Çünki sən illərdi tribuna liderisən. Mənim də “Beşiktaş”la birgə Avropada getmədiyim ölkə yoxdu. Qardaş ölkə olan Azərbaycanı da çoxdandır görmək istəyirdim. Özümü millətçi hesab edirəm. Bütün bunları nəzərə alaraq, təklifi məmuniyyətlə qəbul etdim. Beləcə mən, şirkətimizin müdiri və daha 4 dostum Azərbaycana gəldik. Bütün xərclərimizi Türkiyədəki şirkətimiz qarşıladı. Bakıda 5 ulduzlu oteldə qaldıq. Şəhərlə yaxından tanış olduq və oyun saatında “Bakcell Arena”ya gəldik. Orada “Qəbələ”nin Bakı fan-klubunun üzvləri ilə tanış olduq. "Sektor 11" fan-klubu ilə çox gözəl münasibətimiz yarandı. Birlikdə komandaya dəstək olduq və qələbə qazanaraq, mərhələni adladıq. Ertəsi günü xoş xatirələrlə Bakını tərk etdik”.

S.Özdəmir daha sonra Bakıya ikinci səfərlərindən də söz açıb: “Ailəmlə birgə Kiprdə tətildəydik. Istanbuldakı dostum mənə zəng vurdu və bildirdi ki, “Qəbələ”nin növbəti rəqibi “Apollon”du. Kiprdə baş tutan oyun heç-heçə bitib və cavab oyunu Bakıdadı. Yenə də “Qəbələ”nin oyununa yollanmaq istəyirik. Bu təklifi də məmuniyyətlə qəbul etdiım. Çünki Azərbaycan xalqının bizə qarşı olan rəftarı, dostluğu məni heyran etmişdi. Yüksək əhval-ruhiyyi ilə Bakıya gəldik və komandaya əlimizdən gələn dəstəyi verdik. Qələbə qazandıq və “Qəbələ” pley-offa yüksəldi. Yenə də Bakını xoş xatirələrlə tərk etdik”.

Özdəmir vurğulayıb ki, Bakıya səfərləri zamanı “Qəbələ” tərəfindən onlara heç bir ödəniş olmayıb: “Əminliklə söyləyirəm ki, Bakıda olduğumuz müddətdə “Qəbələ” rəhbərliyi, rəsmiləri ilə heç bir alış-verişimiz, pul söhbətimiz olmayıb. Bayaq da dediyim kimi, bütün xərclərimizi çalışdığımız firma qarşılayıb”.

Türkiyəli azarkeş qeyd edib ki, o özü komandasının oyunlarına getmək üçün pul xərcləyir: “Beşiktaş”ın hər avrokubok oyununda səfərə yollanıram. Buna görə də 750-1000 avro arası xərcə düşürəm. Bunu deməkdə məqsədim odur ki, pulla bağlı sıxıntım yoxdu. Öz cibimdən sevimli klubum üçün pul xərcləyirəm”.

Özdəmir onun adından açıqlamanı yayan jurnalisti artəq məhkəməyə verdiyini bildirib: “Bu açıqlama tamamən əsassız və yalandı. Xəbəri yayan jurnalisti artıq məhkəməyə vermişəm. Vəkilimlə bu barədə danışdıq. O, məhkəmə qarşısında cavab verəcək. Bu qədər axmaq iddia olar? Guya mən hər həftə Bakıya gəlirəm, dərs keçirəm və buna görə də 100 dollar alıram. Həmin jurnalistlə məhkəmədə görüşəcəyik. Aylıq maaşım 6000 TL-di. Məni iş yerimdən kimdi hər həftə Azərbaycana buraxan? Bir sözlə, tam əsassız, yalan xəbərdi. Rəhbərlik etdiyim azarkeş qrupunda minlərlə məni sevən şəxs var. Dostlarım həmin jurnalistə hər gün yazırlar. Bu səbəbdən də bütün sosial mediadakı hesablarını dondurmaq məcburiyyətində qalıb. Amma bununla canını qurtara bilməyəcək. Yalan yazdıqlarına görə cavab verəcək. Əminliklə söyləyirəm ki, yayılan xəbər yalandır”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30