“Azərbaycana uduzduğumuza görə hansısa səbəb tapmaq çətindi”

Rusiyanın 21 yaşadək futbolçulardan ibarət milli komandasının baş məşqçisi Dmitri Xomuxa Bakıda yığmamıza 0:3 hesabı ilə uduzduqları oyundan danışıb. Futbolxeber.az-ın məlumatına görə, Xomuxa qol şanslarını qaçırmalarından gileylənib: “Azərbaycana uduzduğumuza görə hansısa səbəb tapmaq çətindi. Oyunun əvvəlində qol epizodlarımı oldu. Həmin anlarda qol vurmalıydıq. Təəssüf ki, bunu bacarmadıq. Azərbaycan millisi isə bizim səhvlərimizdən yararlandı. Növbəti dəfə standart vəziyyət zamanı diqqətsiz oynadıq və qapımızda qol gördük. Bundan sonra komandada ruh düşkünlüyü yarandı. Bu, məşqçi karyeramdakı ən ağır məğlubiyyətdi. Lakin məğlubiyyətdən nəticə çıxarmaq üçün vaxtım olacaq”.