Pavel Paşayev: “Millidə debüt etməyimdən razıyam, oyunumdan yox”

“Moldovaya qarşı oynadıq. Bu ili qələbə ilə başa vurduq. Bu da çox xoşdur. Ümid edirəm ki, gələn il qələbələrimizin sayı daha çox olacaq”. Futbolxeber.az saytına açıqlamasında bu sözləri milli komandamızın üzvü Pavel Paşayev deyib.

Moldova ilə matçda (2:1) Azərbaycan yığmasında debüt edən Paşayev, oyunundan razı qalmadığını qeyd edib: “Azərbaycan millisində debüt etməyimdən razıyam. Amma oyunumdan yox. Çünki daha yaxşı oynaya bilərdim. Yəqin ki, bunda son zamanlar klubda oynamamağımın da rolu var”.

Pavel Paşayev yığmadakı ab-havadan da söz açıb: “Qəbələ qazanmaq hər zaman xoşdu. Bu nəticədən hamı razıdı. Komandada əhval-ruhiyyə yaxşıdı. Oyundan sonra baş məşqçi Robert Prosineçki də yaxşı oyuna görə komandaya təşəkkür etdi”.