23 Yanvar 2020, Cümə axşamı
Kvabena rəsmən "Qarabağ"da
“Keşlə” “Arsenal”a məğlub oldu
“Qəbələ”də braziliyalı hücumçu
“Səbail”də iranlı müdafiəçi

Ölkə futbolu

“Xəzər Lənkəran”lılar millidə: üçüncü kapitan, 27-ci yığma üzvü

2015-ci ildə son matçını keçirən Azərbaycan milli komandası Moldova ilə yoldaşlıq oyununda qüvvəsini sınayıb. Futbolxeber.az-ın məlumatına görə, Bakı Olimpiya Stadionunda baş tutan qarşılaşmada 2:1 hesabı ilə qalib gələn yığmamızın heyətində “Xəzər Lənkəran”ın 2 futbolçusu meydana çıxıb. 90 dəqiqə meydanda olan Rahid Əmirquliyev ardıcıl 8-ci oyunda əvəzolunmadan iştirak edib. O, 2015-ci ildə yığmanın heyətində bütün qarşılaşmalarda 90 dəqiqə forma geyinən yeganə oyunçudur.

Millidə 48-ci oyununu keçirən Əmirquliyev ilk dəfə komandanın kapitanı olub. O, yığma tarixinin 25-ci kapitanıdır. Yarımmüdafiəçi millidə buna layiq görülən 3-cü “Xəzər Lənkəran”lıdır. 2007-ci il oktyabrın 17-də Serbiya ilə AVRO-2008-in Bakıdakı seçmə oyununda (1:6) yığmamızın kapitanı Ceyhun Sultanov həmin vaxt “ağ-yaşıllar”ın üzvü idi. 2012-cü il noyabrın 14-də DÇ-2014-ün Şimali İrlandiya ilə Belfastdakı görüşündə (1:1) “Xəzər Lənkəran”ı təmsil edən Ruslan Abışov kapitan olmuşdu.

Ümumilikdə isə Əmirquliyev millidə keçirdiyi oyunların 48-də də “Xəzər Lənkəran”ı təmsil edib. Onun kimi Moldova ilə oyunda iştirak edən Elşən Rzazadə sonradan meydana çıxıb. 22 yaşlı yarımmüdafiəçi 63-cü dəqiqədə oyuna daxil olub. Karyerasında ilk dəfə milli forma geyən Rzazadə “Xəzər Lənkəran”ın tarixinə Azərbaycanın əsas yığmasında oynamış 27-ci təmsilçisi kimi düşüb. Komandanın yarandığı 2004-cü ildən bu oyunadək “ağ-yaşıllar”ın 26 üzvü millinin matçlarında meydana çıxmışdı ki, onlardan sonuncusu olan Elnur Cəfərov ötən ay Bolqarıstanla Sofiyadakı görüşdə bu siyahıya daxil olmuşdu. Əmirquliyevin başçılıq etdiyi bu cədvəldə Kamran Ağayev (31), Elnur Allahverdiyev (19), İlqar Qurbanov (16), Branimir Subaşiç (12), Emin Quliyev (11) və Vüqar Nadirov (11) da ön sıralardadır.

“Xəzər Lənkəran”ın digər futbolçusu Elnur Cəfərovun çıxış etdiyi U-21 millisi isə Avro-2017 seçmə mərhələsi çərçivəsində ev Rusiyadan həmyaşıdlarını 3:0 hesabı ilə darmadağın etdi. Yetirməmiz start heyətində yer alıb və 63 dəqiqə meydanda olub.

Həmçinin bu həftə U-17 milli komandasının seleksiya təlim-məşq toplantısı keçiriləcək. "Xəzər Lənkəran"ın iki futbolçusu, əvəzedici və U-17 qrupunun aparıcı üzvləri Kənan Həsənov və Kamal Dənziyev də toplanışa çağırılıblar.

 


lankaranfc.com


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31