28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Prosineçki: “Qələbədən məmnunam”

“Bu gün milli komandamız çox yaxşı oynadı. Birinci hissədə isə ümumiyyətlə, əla təsir bağışladıq”. Futbolxeber.az-ın məlumatına görə, bu sözləri milli komandamızın baş məşqçisi Robert Prosineçki deyib.

Xorvat mütəxəssis Moldova üzərində qazanılan 2:1 hesablı qələbəni belə şərh edib: “Qələbədən çox məmnunam. Ona görə ki, bu gün bir neçə aparıcı futbolçumuz yox idi. Onların əvəzində gənclərə, debütantlara şans verdik. Qarşılaşmadan tam razı qaldım”.

Prosineçki yığmanın bütün üzvlərindən razı qaldığını vurğulayıb: “Bu gün demək olar ki, bütün oyunçulardan razı qaldım. Ad çəkməyimi istəyirsinizsə, Ağabala Ramazanovu qeyd edə bilərəm. Bu gün o qol da vurdu. Növbəti tsikldə millidə kimlərin olacağını indidən söyləmək çətindir. Komandamızın yaxşı futbolçuları var. Mən istəyirəm ki, Azərbaycan millisi səfərə gedəndə bizə çətin rəqib gözü ilə baxsınlar”.

Yığmamızın çalışdırıcısı müdafiənin mərkəzində problem yaşadıqlarını bildirib: “Bu gün ən çox problem yaşadığımız mövqelərdən biri müdafiənin mərkəzidir. Rəşad Sadıqovun yoxluğunda həmin mövqedə Maksim Medvedevə şans verdim. Məncə, o üçüncü dəfədir ki, mərkəz müdafiəçisi kimi çıxış edir. Ümumi götürdükdə, oyunundan razı qaldım. Amma qolda səhvi də var idi. O ki qaldı Tərlan Quliyevə, onun “Kəpəz”də oyununu canlı izləmişəm. Məncə, Quliyev sol cinahda daha yaxşı təsir bağışlaya bilər. “Kəpəz”də məcburiyyətdən mərkəzdə çıxış edir”. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31