23 Yanvar 2020, Cümə axşamı
Kvabena rəsmən "Qarabağ"da
“Keşlə” “Arsenal”a məğlub oldu
“Qəbələ”də braziliyalı hücumçu
“Səbail”də iranlı müdafiəçi

Ölkə futbolu

“Şeydayevin bu gün rəqib komandada yer alması, futbolçularımız üçün stimul idi”

AFFA-nın baş katibi Elxan Məmmədovun Futbolxeber.az saytına müsahibəsi

- 21 yaşadək futbolçulardan ibarət milli komandamız seçmə mərhələnin növbəti oyununda Rusiyanı 3:0 hesabı ilə məğlub etdi. Komandamızın qələbəsi haqda nə deyə bilərsiz?

- Bu oyuna qədər 3 xalımız var idi. Bu gün daha 3 xal qazandıq. Ümid edirəm ki, bundan sonra da koamandamız belə inamlı çıxış edəcək. Söhbət tək qələbədən getmir. Yığmamız həm də bu gün 3 qol vurdu. Bu da çox vacib məqamdı. Inanıram ki, gələn oyunlarda da yığmamız bugünki kimi gözəl, inamlı, cəsarətli oyun nümayiş etdirəcək. Millimiz 1, 2 top fərqi ilə öndə olanda da hücum haqda düşünürdü.

- Ramil Şeydayevin Azərbaycan yığmasına dəvət alması hələ də müzakirə mövzusudur, yoxsa bu məsələ artıq qapanıb?

- Bizim qapılarımız həm Ramil Şeydayevin, həm də Ayaz Quliyevin üzünə açıqdı. Əsas odur ki, biz təklifimizi göndərmişik, onlarla görüşümük. Bundan sonra onların vətənpərvər hissləri oynamalı və doğru seçim etməlidirlər.

- Şeydayevin bu gün Rusiya millisinin formasını geyməsi U-21 yığmamız üçün əlavə stimul idi?

- Əslində, hər futbolçu bunu özü üçün stimul kimi qəbul edir. Çünki rəqibin heyətində azərbaycanlı futbolçu var idi. Şeydayev güclü futbolçudu. Belə oyunçunun bizdə olmasını yığmamızın üzvləri də istəyər. Məncə, bu gün onun rəqbin heyətində olması futbolçularımız üçün stimul idi.

- AFFA Hakimlər Komitəsinin sədri Xaqani Məmmədovla bağlı aparılan araşdırma nə yerdədir?

- Bildiyiniz kimi, bununla bağlı artıq komissiya yaradılıb, onlara müvafiq tapşırıqlar verilib. Nəticələr məlum olduqdan sonra bunu ictimaiyyətə açıqlayacağıq. Komissiya üzvlərinin kimliyini məxfi saxlamışıq. Onların kimliyindən yalnız AFFA və PFL rəhbərliyi xəbərdardır.

- Olmazdı ki, Xaqani Məmmədov araşdırma bitənə kimi vəzifəsindən uzaqlaşdırılsın?

- Biz komissyaya da 60 gün vaxt vermişik. Bu, uzun müddət deyil. Düşündük ki, o işini davam etdirsin. Ola bilər ki, araşdırma daha tez, 4 və ya 2 həftədən sonra da başa çatsın. 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31