“Krasnodar”ın baş direktoru: “Qəbələ” və PAOK-la birgə ikinci yer uğrunda mübarizə aparacağıq”

Avroliqada “Qəbələ” ilə bir qrupda yer alan “Krasnodar”ın baş direktoru Vladimir Xaşiq püşkün nəticəsini dəyərləndirib. Futbolxeber.az-ın məlumatına görə, o, “Qəbələ” və PAOK-la birgə ikinci yer uğrunda mübarizə aparacaqlarını bildirib: “Püşkdən razı və yaxud narazı qalmağın əhəmiyyəti yoxdu. Püşkün nəticəsini olduğu kimi qəbul etmək lazımdır. Bizim qrupun aşkar favoriti var - Dortmund “Borussiya”sı. Digər 3 komanda isə ikinci yer uğrunda yarışacaq. Pley-offa yüksəlmək istəyirik. Bunun üçün də hər oyuna qələbə üçün çıxacağıq. Amma bir daha təkrar edirəm ki, biz “Qəbələ” və PAOK-la birgə ikinci yer uğrunda mübarizə aparacağıq”.