Samir Əliyev: “Problemlərimiz var”

“Qol imkanlarımız çox oldu. Amma təcrübəsizlik yenə ön plana çıxdı, şansların az qismindən yararlana bildik”. Futbolxeber.az-ın məlumatına görə, bu sözləri “Sumqayıt”la oyundan (2:1) sonra “Neftçi”nin baş məşqçisi Samir Əliyev deyib.

Gənc məşqçi yeni iş yerindəki ilk qələbəsi haqda bunları söyləyib: “Ötən oyunlarla müqayisədə bu gün daha çox aqressiv idik. Problemlərimiz var və bunun üzərində işləməliyik. Fiziki hazırlığımızı daha yaxşı səviyyəyə gətirməliyik. Artıq bizim üçün fasilə başladı. Oyunçuları 3 günlük istirahətə buraxacağıq.  Məşqlər başlayanda əvəzedici heyətdən 5 nəfər götürəcəyik. Fasilə zamanı ölkə daxilində yoxlama görüşləri keçirməyi düşünürük”.